中耳[e 2]嘅主要結構包括耳膜[e 3](下圖 tf 個位)、聽小骨[e 4](人體最細嗰三嚿骨;下圖嘅 h a 同 s)同埋耳咽管[e 5](下圖 ot 個位)等等。聲涉及咗介質粒子(介質粒子通常會係空氣)嘅振動,耳膜一接觸到聲波就會振動,帶動埋聽小骨一齊振,同時耳咽管會一路保持耳內同耳外嘅壓力大致相同[1]。
內耳[e 6]顧名思義係耳仔最入嗰忽,包括咗耳蝸[e 7](最裡邊螺旋噉形嗰嚿)。耳蝸唔大,得嗰大約 35 mm 咁長。耳蝸入面有一個特別嘅器官—柯蒂氏器[e 8],柯蒂氏器內有特別嘅感官神經細胞,呢啲細胞表面有細細條嘅毛,啲毛能夠對耳膜嘅振動起反應,將感受到嘅嘢(例如係振動頻率有幾高)傳上去個腦嗰度[1]。
↑ 1.01.11.2Møller, A. R. (2013). Hearing; anatomy, physiology, and disorders of the auditory system (3rd edition). Plural Publishing Inc.
↑Plack, Christopher J.; Andrew J. Oxenham; Richard R. Fay, eds. (2005). Pitch: Neural Coding and Perception. Springer.
↑Zwislocki, J. (1960). Theory of temporal auditory summation. The Journal of the Acoustical Society of America, 32(8), 1046-1060.
↑Recanzone, G. A., Schreiner, C. E., & Merzenich, M. M. (1993). Plasticity in the frequency representation of primary auditory cortex following discrimination training in adult owl monkeys. Journal of Neuroscience, 13(1), 87-103.
↑Alexander, M. P., Naeser, M. A., & Palumbo, C. (1990). Broca's area aphasias: aphasia after lesions including the frontal operculum. Neurology, 40(2), 353-353.