Club de Remo Mecos
| Club de Remo Mecos | |
|---|---|
 A traiñeira de Mecos na XI Bandeira Teresa Herrera | |
| Tipo | club de remo |
| Deporte | remo |
| Data de fundación | 1980 |
| Localización | |
| Enderezo | Rúa Rons, 57 |
| En | O Grove |
| País | Galicia |
| 42°29′59″N 8°52′22″O / 42.499681111111, -8.87282 | |
| Na rede | |
  | |
| [ editar datos en Wikidata ] | |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2021.) |
,_O_Grove,_Galicia_(Spain).jpg)
O Club de Remo Mecos é un club de remo galego da localidade do Grove (Pontevedra). Está patrocinado por Augas de Mondariz.
Historia
[editar | editar a fonte]O Club de Remo Mecos fundouse en 1980, pese a que xa existían regatas dous anos antes. A idea de formalo xorde dun grupo de afeccionados ao remo de distintos barrios do Grove. Á fronte da iniciativa está Moncho Cachopeiro, un dos artífices e fundadores do club.
Nos seus comezos, o equipo tivo que pasar por numerosas dificultades, case todas elas referentes á falla de infraestruturas. Non posuía dun local e algunhas reunións fixéronse baixo unha videa. Con todo, por medio do apoio popular, o Mecos foi medrando e hoxe conta cunhas das mellores instalacións deportivas dos clubs de remo galegos.
Cachopeiro fixo o primeiro batel de madeira construído en Galiza. Traballando no Mecos realiza máis tarde unha traiñeira, para a cal precisou da experiencia de Euskadi.
A necesidade de reparar as embarcacións tivo moita importancia no conxunto. Dende o principio formouse un taller de carpintería que tamén existe na actualidade. O primeiro deles estaba situado nun primeiro andar, non tiñan outro lugar. Alí dentro traballaban a man; cepillo, serrón e machete eran as ferramentas para a construción.
As dificultades económicas fixeron que non tódalas embarcacións se reparasen e cada remo que rompe se arranxa. Deste xeito, coa vontade de seguir adiante e a axuda da vila, o Club de Remo Mecos continuou pola historia galega do remo.
A concesión dun terreo gañado ao mar por Costas e o concello, deu pé a que os socios, directivos e remeiros se puxesen mans á obra e co seu esforzo, sacrificio e botar man aos seus petos achegando o que cada un podía, fóronse construíndo os alicerces do que sería o futuro local social e deportivo. Foi a base para poder gardar o material e comezar os adestramentos gorecidos das inclemencias do tempo.
En 2002 e 2009 gañou a Bandeira Teresa Herrera. En 2003 participou na primeira edición da Liga ACT, conseguindo o subcampionato, e nas seguintes edicións ata a de 2007, na que se consumou o seu descenso á Liga Noroeste de Traiñeiras, na que milita dende aquela.`