Felini
Felini Felininos Rango fósil: mioceno - actualidade | |||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() Prionailurus bengalensis no zoo de Berlín | |||||||||||||||||||||||
Clasificación científica | |||||||||||||||||||||||
| |||||||||||||||||||||||
Xéneros | |||||||||||||||||||||||
|
A dos felininos (Felini) é unha das tribos en que moitos autores dividen a familia dos félidos (Felidae), que engloba a case todos os xéneros da famiia.
Hai dous grupos principais de felinos, os gatos con dentes de sabre, da extinta subfamilia dos macairodontinos (Machairodontinae) e os gatos con dentes cónicos. Estes úlimos divídense na subfamilia dos panterinos (Pantherinae), que inclúe aos grandes felinos do xénero Panthera e os leopardos nebulosos do xénero Neofelis, e a dos felinos (Felinae), que inclúe ao resto dos gatos, desde os máis pequenos, dos xéneros Felis e Prionailurus, até os máis grandes, dos xéneros Puma e Acinonyx.
Taxonomía
[editar | editar a fonte]Descrición
[editar | editar a fonte]A tribo foi descrita en 1817 polo anatomista, entomólogo e paleontólogo alemán, nacionalizado ruso Johann Fischer von Waldheim, en Mém. Soc. Imp. Nat. Moscow, 5: 372.[1]
Etimoloxía
[editar | editar a fonte]O nome científico Felini está formado pola raíz Fel- do seu xénero tipo Felis, descrito por Linneo en 1758 na 10ª edición do seu Systema Naturae, e o sufixo -ini, empregado para construír o nome das tribos de animais.
Xéneros
[editar | editar a fonte]- Acinonyx Brookes, 1828
- Caracal Gray, 1843
- Felis Linnaeus, 1758
- Herpailurus Severtzov, 1858 [2]
- Leptailurus Severtzov, 1858
- Leopardus Gray, 1842
- Lynx Kerr, 1792
- Puma Jardine, 1834
- Otocolobus Brandt, 1841
- Prionailurus Severtzov, 1858
Consideracións taxonómicas
[editar | editar a fonte]Moitos autores consideran dúas tribos nos felinos, a aquí descrita e a dos pardofelinos (Pardofelini) Svertzov, 1818, que inclúe tan só os xéneros Pardofelis Severtzov, 1858 e Catopuma Severtzov, 1858). Porén algúns utilizan a subfamilia dos felinos sensu lato para todos os gatos con dentes cónicos, en cuxo caso a tribo dos Felini usaríase para os gatos pequenos, mentres que os gatos grandes son asignados a outra tribo, a dos panterinos (Pantherini). Outros usan Felinae só para os gatos pequenos (excluíndo os panterinos), en cuxo caso, Felini sería un sinónimo de felinos sensu stricto.
Por outra parte, a maioría dos autores non consideran o xénero Herpailurus, descrito en 1858 por Nikolai Severtzov e que moitos autores consideran un sinónimo de Puma Jardine, 1834,[3] pero "resucitado" en 2017 polo grupo de expertos da UICN,[2] que é monoespecifico, xa que comprende unha soa especie, Herpailurus yagouaroundi (o xaguarundi), que a mairoría dos autores clasifican dentro do xénero Puma, como Puma yagouaroundi.[4][5]
Notas
[editar | editar a fonte]- ↑ Felidae en System der Lebewesen (Stefan Hintsche, 2013).
- ↑ 2,0 2,1 Kitchener, A. C., Breitenmoser-Würsten, C., Eizirik, E., Gentry, A., Werdelin, L., Wilting A., Yamaguchi, N., Abramov, A. V., Christiansen, P., Driscoll, C., Duckworth, J. W., Johnson, W., Luo, S.-J., Meijaard, E., O’Donoghue, P., Sanderson, J., Seymour, K., Bruford, M., Groves, C., Hoffmann, M., Nowell, K., Timmons, Z. & Tobe, S. (2017). "A revised taxonomy of the Felidae: The final report of the Cat Classification Task Force of the IUCN Cat Specialist Group" (PDF). Cat News. Special Issue 11.
- ↑ Herpailurus Severtzov, 1858 no GBIF.
- ↑ Puma yagouaroundi (É. Geoffroy Saint-Hilaire, 1803) no ITIS.
- ↑ Puma yagouaroundi É. Geoffory Saint-Hilaire, 1803 no MSW.
Véxase tamén
[editar | editar a fonte]Bibliografía
[editar | editar a fonte]- Kingdom, Jonathan (2004): The Kingdon Pocket Guide to African Mammals. Princeton, New Jersey, USA: Princeton University Press. ISBN 978-0-6911-2239-7.
- Kingdon, Jonathan & M. Hoffmann (eds.) (2015): The Kingdon Field Guide to African Mammals. Volume V: Carnivores, Pangolins, Equids and Rhinoceroses. Second Edition. Londres: Bloomsbury Publishing. Bloomsbury Natural History. ISBN 978-1-4729-1236-7.
- Walker, E. (1975): Mammals of the World. 2 Vols. Sixth edition. Baltimore e Londres: Johns Hopkins University Press. ISBN 978-0-8018-5789-8.
- Wilson, D. E. & Reeder, D. M., editors (2005): Mammal Species of the World: A Taxonomic and Geographic Reference, 3rd ed. Baltimore, Maryland, USA: Johns Hopkins University Press. ISBN 978-0-8018-8221-0.
Outros artigos
[editar | editar a fonte]Ligazóns externas
[editar | editar a fonte]- Felidae en System der Lebewesen (Stefan Hintsche, 2013).