Gianluigi Buffon

Gianluigi Buffon
	;
Biografía
Nacemento	28 de xaneiro de 1978 (46 anos); Carrara (Italia)
Residencia	Carrara ; Turín
Altura	192 cm
Peso	92 kg
Actividade
Campo de traballo	Fútbol
Ocupación	futbolista (–2023)
Nacionalidade deportiva	Italia
Deporte	fútbol
Posición de xogo	Gardameta
1995–2001
Traxectoria
Participou en
2016	Eurocopa de Fútbol Francia 2016
2014	Mundial de Fútbol Brasil 2014
2012	Eurocopa de Fútbol Polonia/Ucraína 2012
2010	Mundial de Fútbol Suráfrica 2010
2009	Copa Confederacións Suráfrica 2009
xuño de 2008	Eurocopa de Fútbol Austria/Suíza 2008
2006	Mundial de Fútbol Alemaña 2006
2004	Eurocopa de Fútbol Portugal 2004
2002	Mundial de Fútbol Corea/Xapón 2002
1998	Mundial de Fútbol Francia 1998
1996	Xogos Olímpicos de 1996
Familia
Cónxuxe	Alena Šeredová (2011–2014), divorcio
Parella	Ilaria D'Amico
Irmáns	Guendalina Buffon; Veronica Buffon
Premios
	(2017) Adidas Golden Ball; (2016) Golden Foot; (12 de decembro de 2006) Oficial da Orde ao Mérito da República Italiana; (2003) Melhor Jogador de Clubes da UEFA (pt) ; (2003, 2004, 2006, 2007, 2017) Mellor porteiro do mundo segundo a IFFHS; (2003, 2016, 2017) Mellor porteiro de Europa; (1999) Trofeo Bravo; (1999, 2001, 2002, 2003, 2005, 2006, 2008, 2012, 2014, 2015, 2016, 2017) Serie A Goalkeeper of the Year (en) ;
Descrito pola fonte	Lentapedia
Páxina web	gianluigibuffon.it

Gianluigi "Gigi" Buffon, nado en Carrara (Massa-Carrara) o 28 de xaneiro de 1978, é un futbolista italiano, que xoga de porteiro no Parma.

Traxectoria

Comezou a súa carreira deportiva no Parma, no que ingresou aos 13 anos, debutando profesional co primeiro equipo en 1995. Tras permanecer seis tempadas no equipo parmesano, co que gañou unha Copa Italia, unha Supercopa e unha Copa da UEFA, foi traspasado á Juventus de Turín en 2001. Militou durante 17 tempadas consecutivas no club piemontés, gañando dezanove títulos a nivel nacional (nove Series A, unha Serie B, catro Copas Italia e cinco Supercopas de Italia), ademais de disputar tres finais da Liga de Campións.

En 2018 fichou polo Paris Saint-Germain, co que conquistou a liga francesa e a Supercopa de Francia, antes de regresar á Juventus, coa que gañou tres títulos máis (unha liga, unha Copa e unha Supercopa). No 2021, xa con 43 anos de idade, volveu ao seu primeiro club, o Parma, na Serie B.

Foi 176 veces internacional coa selección italiana, coa que participou en catro Eurocopas e en cinco Mundiais. Proclamouse campión na Copa do Mundo de 2006 tras derrotar na quenda de penaltis da final á selección francesa.

En 2004, foi incluído na lista de xogadores FIFA 100 elaborada polo exfutbolista Pelé a petición da FIFA.^[1] Foi nomeado mellor porteiro do mundo cinco veces pola Federación Internacional da Historia e Estatística de Fútbol. Así mesmo, obtivo diversos títulos individuais como o Premio Lev Yashin, o Balón de Prata ou o premio ao porteiro do ano na Serie A, entre outros. Foi elixido como "Mellor Porteiro do Mundo do Cuarto de Século" e "Mellor Porteiro do Mundo durante a 1ª década do século XXI" pola IFFHS.^[2]^[3]

Con 657 partidos na Serie A, é o xogador con máis partidos na historia da competición, despois de superar en 2020 os 647 de Paolo Maldini.^[4]

Palmarés

Club

Parma

Copa Italia (1): 1998–99.
Supercopa de Italia (1): 1999.
Copa da UEFA (1): 1998–99.

Juventus

Serie A (9): 2001–02, 2002–03, 2011–12, 2012–13, 2013–14, 2014–15, 2015–16, 2016–17, 2017–18, 2019–20.
Serie B (1): 2006–07.
Copa Italia (5): 2014–15, 2015–16, 2016–17, 2017–18, 2020–21.
Supercopa de Italia (6): 2002, 2003, 2012, 2013, 2015, 2020.

Paris Saint-Germain

Ligue 1 (1): 2018–19.
Supercopa de Francia (1): 2018.

Internacional

Italia

Copa do Mundo (1): 2006.

Italia sub-21

Eurocopa sub-21 (1): 1996.
Xogos Mediterráneos (1): 1997.

Notas

↑ "Pele's list of the greatest" (en inglés). 4 de marzo de 2004. Consultado o 4 de xullo de 2020.
↑ "Buffon best world keeper of 25 years" (en inglés). Consultado o 4 de xullo de 2020.
↑ "The World‘s best Goalkeeper of the 21st Century" (en inglés). Archived from the original on 08 de febreiro de 2012. Consultado o 4 de xullo de 2020.
↑ "Buffon supera a Maldini como jugador con más partidos en Serie A a los 42 años" (en castelán). 4 de xullo de 2020. Consultado o 4 de xullo de 2020.

Véxase tamén

Ligazóns externas

Datos do xogador en fifa.com Arquivado 10 de novembro de 2012 en Wayback Machine. (en inglés)

Este artigo sobre deporte é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] "Pele's list of the greatest" (en inglés). 4 de marzo de 2004. Consultado o 4 de xullo de 2020.

[2] "Buffon best world keeper of 25 years" (en inglés). Consultado o 4 de xullo de 2020.

[3] "The World‘s best Goalkeeper of the 21st Century" (en inglés). Archived from the original on 08 de febreiro de 2012. Consultado o 4 de xullo de 2020.

[4] "Buffon supera a Maldini como jugador con más partidos en Serie A a los 42 años" (en castelán). 4 de xullo de 2020. Consultado o 4 de xullo de 2020.

[1]

[2]

[3]

[4]