Grillón
- Véxase tamén: Grillón (náutica).
![](https://upload.wikimedia.org/wikipedia/commons/thumb/a/a3/Fetters_-_leg_irons_-_photomodel_Ina.jpg/200px-Fetters_-_leg_irons_-_photomodel_Ina.jpg)
![](https://upload.wikimedia.org/wikipedia/commons/thumb/b/b8/Standard_legirons_taiwan01.jpg/200px-Standard_legirons_taiwan01.jpg)
Un grillón[1] é unha peza de ferro en forma de aro que serve para suxeitar unha cadea a algunha parte. Tamén se denomina así o obxecto consistente en dous aros, unidos por unha cadea, usado para suxeitar os tornecelos dos presos, a diferenza doutro similar para suxeitar os pulsos das persoas detidas ou presas, que recibe o nome específico de esposas.[2]
Uso tradicional dos grillóns
[editar | editar a fonte]![](https://upload.wikimedia.org/wikipedia/commons/thumb/2/24/Legirons_China01.jpg/200px-Legirons_China01.jpg)
Os grillóns foron utilizados desde tempos inmemoriais para impedir os presos que se moveran libremente, de xeito que pasaron a simbolizar a opresión, como se pode ler en La Marseillaise (o himno de Francia), no Himno da Independencia do Brasil ou no Manifesto Comunista de Marx e Engels.
Os grillóns foron utilizados para o transporte de escravos, nas galeras para manter os remeiros (moitos deles condenados) nos seus bancos, e cando os presos tiñan que desprazarse fóra das prisións ou penitenciarías.
Os grillóns como instrumento de tortura
[editar | editar a fonte]Un tipo especial de grillóns utilizáronse como instrumentos de tortura principalmente en Escocia, os Países Baixos e outros países do norte de Europa. Consistían nun colar de aceiro unido á parede ou a unha árbore por medio dunha cadea curta.
O aro metálico poñíase no colo do torturado, canda outros nos pulsos, asegurado cun cadeado.
A súa utilización máis común era na picota para delincuentes eclesiásticos ou civís.
Algúns casos deste tipo de tortura déronse aínda a principios do século XX en Escocia.
Sir Walter Scott fíxose cos grillóns que existían no Castelo Threave (situado en Dumfries e Galloway) e os colocou na porta principal da súa casa grande, Abbotsford House.[3]
Prohibicións
[editar | editar a fonte]En Europa, soamente os países de fóra da UE usan legalmente grillóns. Fóra de Europa, úsanse en numerosos países, incluídos os Estados Unidos de América.
Os grillóns na cultura popular
[editar | editar a fonte]Na banda deseñada os grillóns tornáronse a imaxe de marca dos Irmáns Dalton de Lucky Luke.
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para grillón.
- ↑ Definicións no Dicionario da Real Academia Galega e no Portal das Palabras para esposas.
- ↑ Napier, George G. (1897): The Home and Haunts of Sir Walter Scott, Bart. Glasgow: James Maclehose. p. 153.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Grillón ![]() |