cacho

Galego

cacho¹

• Etimoloxía: de cachar.

• Pronuncia: [ˈka.t͡ʃʊ] (AFI)

Adxectivo

cacho (ms: cacho; mpl: cachos; fs: cacha; fpl: cachas)

1. Que se envolve sobre si mesmo para defenderse.
   • Exemplo: Ourizo cacho.
     
     
   • Sinónimos: cacheiro.

cacho²

• Etimoloxía: do latín vulgar cacculus (ola).

• Pronuncia: [ˈka.t͡ʃʊ] (AFI)

Substantivo masculino

cacho (sg: cacho; pl: cachos)

1. Recipiente circular, de pouco fondo e boca ampla.
   • Exemplo: Ponlle a comida ao gato neste cacho.
     
     
   • Exemplo: Como non había vasos bebemos todos do cacho.
     
     
   • Termos relacionados:
     • andar de cacho para cribo
     • andar de cacho para testo
     • andar de cachos para cribos
     • criar ao cacho
     • mexar fóra do cacho
     • negro coma un cacho
2. (Coloquial) Parte dorsal, cóncava, do exoesqueleto do cefalotórax dos crustáceos decápodos braquiúros.
   • Exemplo: Usaba un cacho de centola como cinceiro.
     
     
3. (Figurado e coloquial) Cabeza (de persoa).

cacho³

• Etimoloxía: do latín capulus; do latín capere (coller).

• Pronuncia: [ˈka.t͡ʃʊ] (AFI)

Substantivo masculino

cacho (sg: cacho; pl: cachos)

1. Pequena parte dunha cousa que se corta, parte ou arrinca.
   • Exemplo: Dalle un cacho de pan ao rapaz, que está morto de fame.
     
     
   • Exemplo: Partiu a torta en seis cachos, e quedou co máis grande.
     
     
   • Sinónimos: anaco, trisco (populares); fracción, porción (máis cultos).
   • Termos relacionados: ser un cacho de pan.
2. Porción breve de tempo.
   • Exemplo: Espérame un cacho que volvo decontado.
     
     
   • Sinónimos: anaco, pedazo (populares); momento (máis culto).
   • Termos relacionados: de alí a un cacho.
3. Pataca ou anaco de pataca, cocida coa monda.
   • Sinónimos: cachelo.
4. Definición impropia: (Figurado) En expresións admirativas, acentúa as calidades positivas ou a magnitude daquilo ao que acompaña.
   • Exemplo: Cacho cocido papamos antonte!
     
     

Termos relacionados

• aos cachos

cacho⁴

• Etimoloxía: do latín capulus (ramo).

• Pronuncia: [ˈka.t͡ʃʊ] (AFI)

Substantivo masculino

cacho (sg: cacho; pl: cachos)

1. Acio de uvas.