Francisco de Goya
![](https://upload.wikimedia.org/wikipedia/commons/thumb/b/bf/Vicente_L%C3%B3pez_Porta%C3%B1a_-_el_pintor_Francisco_de_Goya.jpg/220px-Vicente_L%C3%B3pez_Porta%C3%B1a_-_el_pintor_Francisco_de_Goya.jpg)
![](https://upload.wikimedia.org/wikipedia/commons/thumb/2/2d/Firma_de_Francisco_de_Goya.svg/220px-Firma_de_Francisco_de_Goya.svg.png)
Francisco de Goya y Lucientes (Fuendetodos, provincia de Zaragoza, 30 jasyapy ary 1746-Burdeos, Hyãsia, 16 jasyrundy ary 1828)[1] ha'e akue peteĩ ñemoha'ãnga apohára ha ta'ãngakarãi apohára Epáña megua. Hembiapokue opaichagua ñemoha'ãnga apykayvate guive ha tápiare peve, ta'ãngakarãi ha ta'ãnga kuatiáre. Opa umi mba'eporãme omokakuaa peteĩ "teko pyahu" omoñepyrũkuévo upe tembiapoporã ñemyasãi hérava py'aitegua reko (romanticismo). Goya mba'eporã omoñepyrũ upéicha katu ku ñemoha'ãnga ko'ãgagua, ha ojeikuaa chupe ha'éva upe omoñepyrũ tape pyahu ñemoha'ãngápe saro'y XX pegua.
Oñemoarandu mbegue rire itávape ñemoha'ãnga hekopete apópe ha varróko rekópe, oho Itália retãme ary 1770-pe, upépe ohechakuaa ha oñemoarandu ñemoha'ãnga rape pyahúre, opa mba'e oñemoarandu upépe oipuru oho jeývo Madrid-pe, peteĩ mba'e rococó rekópe avei.
Peteĩ mba'asy pochy ombopy'akangy chupe ary 1793 guive ha upe rire Goya oñepyrũ ojapo ta'ãnga pyahuvéva ha ipy'aite guive.
Hembiapokue ohechauka avei mba'éichapa ojehasa asy upe aja, Epáña ñorairõ guasu pukukuévo, heta ta'angápe oĩ umi ipy'aguasúva omano va'ekue hetãre, techapyrãme umi ñemoha'ãngápe hérava "Los desastres de la guerra", avañe'ẽme he'ise "Ñorairõ ñembyai guasu".
Hembiapokue paha ha tuichavéva niko heta ñemoha'ãnga ñandyrýgui ijapopyre ojapo va'ekue hóga tápiare ("Quinta del Sordo"), ta'angakuéra hérava Ñemoha'ãnga hũ.
Mandu'apy
[jehaijey | emoambue kuatia reñoiha]- ↑ Se cita a veces por error la muerte el día 15 de abril, sin duda porque ocurrió a las 2 de la madrugada del día 16, pero los documentos del registro civil de Burdeos no dejan lugar a la duda.