Hungri Xastr
Romi
|
![](https://upload.wikimedia.org/wikipedia/commons/thumb/0/0d/Vaporizer_Sevoflurane_001_JPN.jpg/220px-Vaporizer_Sevoflurane_001_JPN.jpg)
![](https://upload.wikimedia.org/wikipedia/commons/thumb/5/53/Maquet_Flow-I_anesthesia_machine.jpg/220px-Maquet_Flow-I_anesthesia_machine.jpg)
Xostrokrievellar pexonttoka gungi haddpachem xastr. Xostrokria chalu astona xostraposun zaupi ghayanchi dukh pexonttak zannouchi nhoi mhonnun taka hungrixastraurovim gungi yeupachem vokhod ditat. Hem vokhod vayurupan divp axil'lean tem pexonttak hunguk divp zata ani tacheuylean hea xastrak hungrixastr oxem namv paddlam. Takach gungixastr oxem-i mhonnttat. Xirek injekxon korunoi gungi haddop zata. Punn sadaronnoponnan hungpachoch vapor zata.
Hungpachea vayucho sod lagchepoilim pexonttache tokler kosle tori vostucho aghat korun taka bexudhd kortale ani to bexudhd ovsthent astona, xostrokria kortale. Uprant 1754 chea sumarak karbon ddaieksaidd ani uprant 1771 vorsa eksizon vayucho, gungi divpakhatir vapor zaupak laglo.. 1798 to sor hemfri ddenntti hannem naittros eksaidd vayu sodun kaddlo. Maikol foradde hannem yithor (Ether) cho upeg gungikhatir kelo. Yithrocho vapor fuddem chaluch urlo. 1846 to ddo. Vilyom' mortton hannem yithracho vapor korun hungrixastrachem pratyokxik korun dakhoilem. Uprant 1847 vorsa jems simposon hannem hungrekhatir kloroform' ho podarth vaprant haddlo. Sodea yithor ani kloroform' hancho vapor zata aslo tori yithrant, kloroformaporos chodd upyuktota asa. I. Fixor hannem 1864 to ttrilin ani fruedd hannem 1929 to saiklopropen, 1951 to si. Ddoblyu. Sokling hannem helothen hea hungrichea podarthanchi bhor ghali. Chin dexant 200 vorsam lenabis namvachea zhaddacho ros kaddun hungpak ditale. Bhartantoi oxa zhaddanchea palla – mullancho vapor zatalo. Piddestachem ang thondd korun bheraupachi-i protha axil'li.
Hungri divpache prokar: xostrokriechea prokarapromann hungri divpache prokar ani promann bodlota. 1) lhan xostrokria korta ten'na piddest angapurotich thollavi (Local) hungri ditat. 2) khoinchyai eka hatachea va payanchea bhagak xostrokria korpachi zalear ekoch hat va pam-i bheraun dourop zata. Taka Block hungri mhonnttat. 3) fattichea konneant mojzatontuk dil'le hungrek Spiral hungri mhonnttat tor mojzatontuk bhaid dourun dil'le hungrek Epidural mhonnttat. 4) purai ang bhoroupi hungri.
Poilea tin hungreamni monxache kuddichem thoravik angoch bhereta ani monis xabut urta. Chouthe toreche hungrent piddest xabutebhair urta.
Xostrokriechea akarapromann, tika lagpi kallapromann, piddest prokarapromann toxench piddekarache ovsthepromann hungri divpachem promann tharaitat. 00 mimi. Te 14 mimi. Hem promann asta. Piddekarache usvas nolikentlean hungrechem vokhod ani techvangodda prannvayuchi purounn eka khaxelea moxinaurovim kortat.
Protyokxant purounnechem kam' korche poilim hungri divpi pexonttachi voijki topasonni kortat. He topasonnent piddestache kallzache thoke, mut – rogtachi ovstha, roktodab oxe gorjeche voijki ghottok topasun ghetat. Tanchi sthiti hungrekhatir veusthit aslearoch hungri divpi zata.