Chilska

Republika Chilska
	hesło; Por la Razón o la Fuerza ; („Přez rozum abo móc“)
	zakładne daty:
swójske mjeno	República de Chile
stolica	Santiago de Chile
přestrjeń	756.102 km²
wobydlerstwo	17.508.260 (2015)
hustosć	23,2 wob./km²
forma knježerstwa	prezidialna republika
hłowa stata a šef knježerstwa	prezident; Gabriel Boric (wot 2022)
měna	chilski peso
hamtska rěč	španišćina
hymna	Puro Chile
časowe pasmo	UTC-4
njewotwisnosć	12. februara 1818 wot Španiskeje
Top Level Domain	.cl
telefon	+56
	Połoženje Chilskeje na zemi
	Karta

-31-71

Koordinaty: 31° J, 71° Z

Chilska (tež Chile; španisce República de Chile) je južnoameriski stat při Ćichim oceanje. Hłowne a najwjetše město je Santiago de Chile. Chilska ma něhdźe 17,5 milionow wobydlerjow. Prezidentka je Michelle Bachelet.

Po statistice Zjednoćenych narodow je Chilska najbóle wuwity kraj Južneje Ameriki. Wona je mjez druhim najwažniši producent kopora na swěće.

Geografija

Na Jutrownej kupje (Rapa Nui)

Chilska mjezuje z Argentinskej, Boliwiskej a Peru. Najwyši wjeršk w kraju je hora Ojos del Salado (6.885 m nad mórskej hładźinu) w chilskich Andach, a najniši dypk brjóh Ćicheho oceana (0 m nad normalnej nulu). Do Chilskeje słuša tež Jutrowna kupa a dalše kupy w Ćichim oceanje.

Kraj wupřestrěwa so wot peruskeje hranicy w pusćinje Atacama na sewjeru hač ke kupje Feuerlandskej na juhu přez wjace hač 4300 kilometrow. Nimo toho wužaduje sej Chilska podźěl Antarktiki.