Ստեֆեն Քարի

	Ստեֆեն Քարի; Stephen Curry
	;
Գոլդեն սթեյթ Ուորիորս
Ակումբ	Գոլդեն սթեյթ Ուորիորս
Դիրքը	Խաղարկող
Համար	№ 30
Ի ծնե տրված անունը	Ուորդել Ստեֆեն Քարի II; Wardell Stephen Curry II
Ծննդյան ամսաթիվ	մարտի 14, 1988 (36 տարեկան)
Ծննդավայր	Ակրոն, Օհայո, ԱՄՆ
Ազգություն	Ամերիկացի
Հասակ	1,91 մ
Քաշ	84 կգ
Դպրոց	Շառլոթի քրիստոնեական դպրոց; (Շառլոթ, Հյուսիսային Կարոլինա)
համալսարան	Դեյվիդսոնի քոլեջ (2006–2009)
Դրաֆթի տարի	2009 / ռաունդ` 1 / ընտր.` 7-րդ
Դրաֆթ ակումբ	Գոլդեն սթեյթ Ուորիորս
Կարիերայի պատմություն
	Գոլդեն սթեյթ Ուորիորս (2009-այժմ)
Մրցանակներ
	; 4× NBA չեմպիոն (2015, 2017, 2018, 2022); 1× NBA գերեզրափակչի MVP (2022); 2× NBA ամենաարժեքավոր խացացող (2015, 2016); 9× NBA աստղ (2014-2019, 2021-2023); 4× All-NBA առաջին թիմ (2015, 2016, 2019, 2021); 2× All-NBA երկրորդ թիմ (2014, 2017); All-NBA երրորդ թիմ (2018); 2× NBA-ի առաջատար միավորների ասպարեզում (2016, 2021); NBA-ի առաջատար խլումների ասպարեզում (2016); NBA All-Rookie առաջին թիմ (2010); NBA երեքմիավորանոց նետումների մրցույթի հաղթող (2015); NBA հմտությունների մարտահրավերի հաղթող (2011); NBA սպորտսմենային պահվածքի մրցանակ (2011); Մրցաշրջանային ռեկորդ՝ իրացրած 3-միավորանոցների կատեգորիայում (2013); Consensus All-American առաջին թիմ (2009); Consensus All-American երկրորդ թիմ (2008); 2× SoCon տարվա խաղացող (2008, 2009);

Ուորդել Ստեֆեն Քարի II (անգլ.՝ Wardell Stephen Curry II, մարտի 14, 1988(1988-03-14)^[1]^[2]^[3], Ակրոն, Օհայո, ԱՄՆ^[3]), ամերիկացի պրոֆեսիոնալ բասկետբոլիստ, խաղարկող։ Հանդես է գալիս Բասկետբոլի ազգային ասոցիացիայի (NBA) «Գոլդեն սթեյթ Ուորիորս» ակումբում։

Համալսարանային առաջնության շրջանակներում ներկայացրել է Դեյվիդսոնի քոլեջը (2006–2009)։ 2008-09 մրցաշրջանում եղել է ամենաբարձր միջին միավորներ ունեցող համալսարանային բասկետբոլիստը (28,6 մ/խ ցուցանիշով)։

Ընտրվել է 2009 թվականի NBA դրաֆթի 7-րդ ընտրությամբ՝ «Գոլդեն սթեյթ Ուորիորսի» կողմից^[4]։ 2012–13 մրցաշրջանում ռեկորդ է սահամանել՝ մեկ մրցաշրջանում իրացրած առավելագույն 3-միավորանոց նետումների կատեգորիայում (272)։ Խաղընկեր Քլեյ Թոմսոնի հետ ռեկորդ է սահմանել նաև մրցաշրջանի ընթացքում կատարած կոմբինացիոն 3-միավորանոց նետումների ասպարեզում (484)։ Թոմսոն-Քարի խաղազույգն այժմ կրում է «Սփլեշ բրադըրս» ("Splash Brothers") մականունը։ 2014-15 մրցաշրջանում գերազանցել է իր իսկ սահմանած 272 երեքմիավորանոց նետումների ռեկորդը՝ այն հասցնելով 286-ի։ Խաղաշրջանի ավարտից հետո արժանացել է ամենաարդյունավետ խաղացողի (MVP) կոչմանը։ 2015, 2017, 2018 և 2022 թվականներին նվաճել է NBA-ի գավաթը։

NBA-ի նախկին բասկետբոլիստ Դել Քարիի և նախկին վոլեյբոլիստուհի Սոնյա Քարիի որդին է։

Կենսագրություն

Ծնվել է բասկետբոլիստ Դել Քարիի և վոլեյբոլիստուհի Սոնյա Քարիի ընտանիքում՝ Ակրոն քաղաքում (Օհայո նահանգ), սակայն տեղափոխվել է Շառլոթ (Հյուսիսային Կարոլինա), որտեղ հայրն սկսում է խաղալ «Շառլոթ Հորնեթսի» կազմում։ Ունի կրտսեր եղբայր՝ Սեթ անվամբ, ով ներկայումս հանդես է գալիս NBA-ի զարգացման լիգայի «Էրի Բեյհոքս» ակումբում։ Մանկության տարիներին Քարին կրթվել է Մոնտեսորիի կրթական ծրագրով։

2001-2002 թվականներին Քարին ապրել է Տորոնտոյում, քանի որ հայրն այդ ընթացքում ելույթներ է ունենում «Տորոնտո Ռեպտորսում»։ 7-րդ և 8-րդ դասարաններում հանդես է եկել տեղի դպրոցներից մեկի բասկետբոլային հավաքականում՝ ունենալով անպարտելի մրցաշրջան։

Որպես ավագ դպրոց, հաճախել է Շառլոթի քրիստոնեական դպրոցը (Charlotte Christian School), որի բասկետբոլային հավաքականում հանդես գալու տարիներին բազմաթիվ առիթներով ընդգրկվել է «all-state», «all-conference» խորհրդանշական հավաքականներում, ինչպես նաև երեք անգամ ճանաչվել կոնֆերենցիայի չեմպիոն։ Դպրոցն ավարտելուց հետո ընդունել է Դեյվիդսոնի քոլեջի կրթաթոշակային ծրագիրը՝ երեք ուսումնական տարի համալսարանային առաջնության շրջանակներում ներկայացնելով «Ուայլդքեթս» ակումբը։ Համալսարանային տարիներին Քարին սահմանում է ռեկորդ (համալսարանի և Հարավային կոնֆերենցիայի պատմության մեջ)՝ սահամանած միջին միավորների կատեգորիայում, երկու անգամն ճանաչվում Հարավային կոնֆերենցիայի տարվա բասկետբոլիստ։ Համալսարանի երկրորդ տարում Քարին սահմանում է նաև NCAA-ի ռեկորդ՝ մեկ մրցաշրջանում իրացրած երեքմիավորանոց նետումների կատեգորիայում։

Բաց թողնելով վերջին համալսարանային տարին, Քարին մասնակցության հայտ է ներկայացնում 2009 թվականի NBA-ի դրաֆթում։ Առաջին ռաունդի 7-րդ համարով Քարին ընտրվում է «Գոլդեն Սթեյթ Ուորիորսի» կողմից։

Պրոֆեսիոնալ կարիերա

Գոլդեն Սթեյս Ուորիորս

Վաղ տարիներ (2009–2014)

2009 թվականի հունիսի 25-ին՝ NBA դրաֆթի ժամանակ, Ստեֆեն Քարին ընտրվել է Գոլդեն Սթեյթ Ուորիորս ակումբի կողմից ընդհանուր յոթերորդ համարի ներքո^[5]։ 2009-10 դեբյուտային մրցաշրջանի ժամանակ անցկացրել է 80 հանդիպում (77 մեկնարկային)՝ միջինում 36,2 րոպե ժամանակահատվածում հավաքելով 17,5 միավոր, 4,5 անդրադարձ, 5,9 ասիսթ և 1,9 խլում^[6]։ Երկրորդ կեսից հետո Քարի արդեն ընդուվում էր որպես տարվա լավագույն սկսնակ^[7]։ Համարվել է Արևմտյան Կոնֆերենցիայի հունվար անսվա սկսնակ։ Ապրիլ և մարտ ամիսներին նույնպես համարվել է ամսվա սկսնակ և դարձել միակ խաղացողը Արևմտյան Կոնֆերենցիայում, որը երեք անգամ ճանաչվել է ամսվա լավագույն սկսնակ^[6]։ Մրցաշրջանի ավարտին նրան «NBA տարվա լավագույն սկսնակ»-ը դառնալուն խանգարում է Թառիք Էվանսը^[7]։ Ընդգրկվել է NBA սկսնակների առաջին հավաքականում և դարձել ակումբի պատմության մեջ երկրորդ բասկետբոլիստը, որը ստացել է սկսնակների առաջին հավաքականի բոլոր մրցանակները^[6]։ 30 և ավելի միավոր է հավաքել 8 անգամ՝ գերազանցելով մրցաշրջանի մյուս բոլոր սկսնակներին, ինչը 2003-04 մրցաշրջանից աննախադեպ էր, երբ Լեբրոն Ջեյմս արել էր 13 անդամ և Կարմելո Էնթոնին 1 անգամ։ Քարին հինգ անգամ մեկ խաղում հավաքել է 30 միավոր և 10 ասիսթ՝ հավասարվելով Մայքլ Ջորդանի արդյունքին և զբաղեցնելով 2-րդ տեղը (առաջինն Օսկար Ռոբերտսոնն է)։ Փետրվարի 10-ին Լոս Անջելես Կլիմեպերսի դեմ խաղում հավաքել է 36 միավոր, 13 ասիսթ և 10 անդրադարձ՝ իրականացնելով առաջին թրիփլ դաբլը և դառնալով այդպիսի արդյունք ցուցաբերող NBA պատմության 6-րդ խաղացողը։ Ապրիլի 14-ին՝ Ուորորսի մրցաշրջանի եզրափակիչ խաղի ընթացում, Քարին հավաքել է 42 միավոր, 9 անդրադարձ և 8 ասիսթ՝ սահմանելով նոր անձնական ռեկորդ և դառնալով Օսկար Ռեբերտսոնից հետո միակ խաղացողը։ Մրցաշրջանի ընթացքում Քարին հավաքել էր 166 երեքմիավորանոց, ինչը NBA պատմության մեջ առաջին դեպքն էր^[6]։

2010-11 մրցաշրջանի ընթացքում Քարին մասնակցել է 74 խաղի (բոլորը մեկնարկային)՝ միջինում 33,6 րոպե ժամանակահատվածում հավաքելով 18,6 միավոր, 3,9 անդրադարձ, 5,8 ասիսթ և 1,47 խլում^[6]։

Ծանոթագրություններ

↑ https://www.cbssports.com/nba/players/playerpage/1685204/stephen-curry
↑ Augustyn A. Encyclopædia Britannica
↑ ^3,0 ^3,1 ^3,2 Basketball Reference
↑ «ԴՐԱՖԹ 2009». NBA.com. Վերցված է 2010 թ․ սեպտեմբերի 17-ին.
↑ Simmons, Rusty (2009 թ․ հուլիսի 9). «Curry signs deal». sfgate.com. Արխիվացված օրիգինալից 2018 թ․ հոկտեմբերի 22-ին. Վերցված է 2018 թ․ հոկտեմբերի 21-ին.
↑ ^6,0 ^6,1 ^6,2 ^6,3 ^6,4 «Stephen Curry stats, details, videos, and news». NBA.com. Արխիվացված օրիգինալից 2017 թ․ դեկտեմբերի 14-ին. Վերցված է 2018 թ․ հոկտեմբերի 21-ին.
↑ ^7,0 ^7,1 Dubow, Josh (2010 թ․ ապրիլի 29). «NBA: Sacramento guard Tyreke Evans wins NBA Rookie of the Year award». deseretnews.com. Արխիվացված օրիգինալից 2018 թ․ հոկտեմբերի 22-ին. Վերցված է 2018 թ․ հոկտեմբերի 21-ին.

Արտաքին հղումներ

Էջը NBA.com կայում(անգլ.)
Էջը Բասկետբոլ-ռեֆերենսում Արխիվացված 2016-07-22 Wayback Machine(անգլ.)

[_927ce310769abb95-1] ttps://www.cbssports.com/nba/players/playerpage/1685204/stephen-curry

[_ba89cca85371ba14-2] Augustyn A. Encyclopædia Britannica

[_be44bce8472cb2b5-3] 3,0 ^3,1 ^3,2 Basketball Reference

[4] «ԴՐԱՖԹ 2009». NBA.com. Վերցված է 2010 թ․ սեպտեմբերի 17-ին.

[5] Simmons, Rusty (2009 թ․ հուլիսի 9). «Curry signs deal». sfgate.com. Արխիվացված օրիգինալից 2018 թ․ հոկտեմբերի 22-ին. Վերցված է 2018 թ․ հոկտեմբերի 21-ին.

[nbabio-6] 6,0 ^6,1 ^6,2 ^6,3 ^6,4 «Stephen Curry stats, details, videos, and news». NBA.com. Արխիվացված օրիգինալից 2017 թ․ դեկտեմբերի 14-ին. Վերցված է 2018 թ․ հոկտեմբերի 21-ին.

[roy-7] 7,0 ^7,1 Dubow, Josh (2010 թ․ ապրիլի 29). «NBA: Sacramento guard Tyreke Evans wins NBA Rookie of the Year award». deseretnews.com. Արխիվացված օրիգինալից 2018 թ․ հոկտեմբերի 22-ին. Վերցված է 2018 թ․ հոկտեմբերի 21-ին.

[1]

[2]

[3]

[4]

[5]

[6]

[7]