Սամիա ալ-Ամուդի
Սամիա ալ-Ամուդի արաբ․՝ ساميه العمودي | |
---|---|
![]() | |
Ծնվել է | 1957 |
Ծննդավայր | Ջիդդա, Մեքքայի շրջան, Սաուդյան Արաբիա |
Քաղաքացիություն | ![]() |
Մայրենի լեզու | արաբերեն |
Մասնագիտություն | բժիշկ, գինեկոլոգ, մանկաբարձ և հետազոտող |
Պարգևներ և մրցանակներ | |
![]() |
«Սամիա ալ-Ամուդի» (անգլ.՝ Samia al-Amoudi, 1957, Ջիդդա, Մեքքայի շրջան, Սաուդյան Արաբիա), Սաուդյան Արաբիայի խորհրդատու, մանկաբարձ և գինեկոլոգ։ Շեյխ Մուհամմեդ Հուսեյն ալ-Ամուդիի կրծքագեղձի քաղցկեղի կենտրոնի ղեկավարն է։ Առավել հայտնի է կրծքագեղձի քաղցկեղի իրազեկման բարձրացման գործում իր աշխատանքով ՝ այն բանից հետո, երբ իրեն ախտորոշեցին հիվանդությունը։ Նա նաև Պարսից ծոցի համագործակցության խորհրդից առաջին կինն էր, որը տեղ զբաղեցրեց քաղցկեղի դեմ պայքարի միջազգային միության կազմում[1]։
Կենսագրություն
[խմբագրել | խմբագրել կոդը]1974 թվականին Սամիա ալ-Ամուդին միջնակարգ կրթական մակարդակում ընտրվել է որպես լավագույն ուսանող, այնուհետև 1978 թվականին՝ Բժշկական ֆակուլտետի լավագույն ուսանող։ 1981 թվականին առաջին կին բժիշկներից մեկն էր, որն ավարտեց թագավոր Աբդուլ Ազիզի համալսարանի բժշկական քոլեջը[2]։
Նա Շեյխ Մուհամմեդ Հուսեյն ալ-Ամուդիի կրծքագեղձի քաղցկեղի խնամքի կենտրոնի գործադիր տնօրենն է։ ԱՄՆ-ում կրծքագեղձի առողջության պահպանման գլոբալ նախաձեռնության գործադիր կոմիտեի անդամ է և Ջիդդայի Աբդուլ Ազիզ թագավորի համալսարանում կրծքագեղձի քաղցկեղի հետազոտության գիտական ամբիոնի ղեկավար։ Կրծքի քաղցկեղի դեմ պայքարի համաշխարհային ակտիվիստ է։
Նախկինում եղել է թագավոր Աբդուլ Ազիզ համալսարանի բժշկական գիտությունների ֆակուլտետի փոխդեկան։ Առողջապահության համաշխարհային կազմակերպությունում կես դրույքով որպես խորհրդական է աշխատել։ Հանդիսանում է Միջին Արևելքի գործընկերության ծրագրի ներկայացուցիչ, ԱՄՆ-ի և Սաուդյան Արաբիայի միջև Մերձավոր Արևելքի գործընկերության ծրագրի գործադիր կոմիտեի անդամ՝ կրծքագեղձի քաղցկեղի հետազոտության և իրազեկման ոլորտում։ Սաուդյան քաղցկեղի միության, Ալ-Իման քաղցկեղի կազմակերպության, «Զահրա» ընկերության և «Ալ-Քասիմ» կանանց ասոցիացիայի անդամ է։ Առողջապահության խթանման հանձնաժողովում կրծքագեղձի քաղցկեղի դեմ պայքարի ծրագրի համակարգողն է[3]։
2006 թվականի ապրիլին նրա մոտ ախտորոշվել է կրծքագեղձի քաղցկեղ, որի համար անցնում էր քիմիաթերապիա[2]։ Նրա պատմությունը հրապարակվեց կրծքագեղձի քաղցկեղի իր շաբաթական սյունակում 31 հոդվածներով, որոնք հնչեցնում էին տագնապ և բարձրացնում համայնքում տեղեկացվածությունը։ Նա Սաուդյան Արաբիայի առաջին կինն էր, որը հրապարակավ գրում էր հիվանդության իր փորձի մասին։
Հրապարակել է տասներկու գիրք և թռուցիկ արաբերենով և երկուսը մանկաբարձության, գինեկոլոգիայի և կրծքագեղձի քաղցկեղի մասին՝ անգլերենով։ Հրատարակել է Սաուդյան Արաբիայում կրծքագեղձի քաղցկեղ վերապրածներին նվիրված նոր գիրքը։ Նա նաև բազմաթիվ հարցազրույցներ է տվել տարբեր լրատվամիջոցներում` ներառյալ հրապարակումները և ABC News-ի «Բարի առավոտ Ամերիկա»-ում հատուկ հարցազրույցը՝ իր պատմության և ջանքերի մասին[4]։
2007 թվականի մարտին պարգևատրվել է միջազգային առաջին Քաջության կանանց մրցանակով, որը ստացել է ԱՄՆ Պետական դեպարտամենտի կողմից[5]։
2010 թվականին զբաղեցրել է 5-րդ տեղը «Power 100» ցուցակում, որը աշխարհի ամենաազդեցիկ արաբների՝ Արաբական բիզնեսի ամենամյա ցուցակագրումն է[2]։
2012 թվականի դրությամբ՝ քաղցկեղի իր բուժումն ավարտելու տարում նա հանդիսանում է Շեյխ Մուհամմեդ Հուսեյն ալ-Ամուդիի կենտրոնի ղեկավարը և կրծքագեղձի քաղցկեղի գիտական ամբիոնի ղեկավարը KAU-ում՝ Սաուդյան Արաբիայի Ջիդդա քաղաքում, ինչպես նաև GE Healthcare-ի դեսպան[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 «Meet Samia Al-Amoudi, #GetFit Saudi Arabia Ambassador | GE Healthcare The Pulse». Newsroom.gehealthcare.com. 2012 թ․ սեպտեմբերի 11. Վերցված է 2015 թ․ փետրվարի 4-ին.
- ↑ 2,0 2,1 2,2 «Power 100». ArabianBusiness.com. Վերցված է 4 de febrero de 2015-ին.
- ↑ https://www.abouther.com/node/2246/people/leading-ladies/samia-al-amoudi-woman-courage%7Ctitle= abouther.com (en inglés) Consultado el 15 de noviembre de 2019.
- ↑ «Copia archivada». Archivado desde el original el 4 de marzo de 2016. Consultado el 15 de noviembre de 2019.
- ↑ «Secretary of State Confers the First International Women of Courage Awards» (PDF). 2007 թ․ մարտի 7. Արխիվացված է օրիգինալից (PDF) 2013 թ․ փետրվարի 16-ին. Վերցված է 2013 թ․ ապրիլի 2-ին.
Հետագա ընթերցում
[խմբագրել | խմբագրել կոդը]- Jiffry, Fadia. «Samia Al-Amoudi: Woman of Courage». Նրա մասին.
Արտաքին հղումներ
[խմբագրել | խմբագրել կոդը]![]() | Վիքիպահեստն ունի նյութեր, որոնք վերաբերում են «Սամիա ալ-Ամուդի» հոդվածին։ |