Բոինգ 757

Բոինգ 757
Տեսակ	թռչող ապարատների ընտանիք
Ենթատեսակ	narrow-body jet airliner with 2 engines?
Օգտագործվում է ինչպես	առևտրային ավիացիա
Արտադրող	Boeing Commercial Airplanes
Առաջին թռիչք	1982 թ. փետրվարի 19
Շահագործման սկիզբ	1983
Կարգավիճակ	շահագործվող
Շահագործողներ	American Airlines (143) Delta Air Lines (121); United Airlines (97); United Parcel Service (75)
Արտադրման թվականներ	1982 - 2004
Միավոր արտադրված	1 050
Միավորի արժեք	757-200` $65 մլն. (2002); 757-300` $80 մլն. (2002)
	Boeing 757 Վիքիպահեստում

Boeing 757` ամերիկյան Բոինգ ընկերության արտադրության միջին հեռավորության օդանավ է։

Ընդհանուր տեղեկություններ

Արտադրության դրվելու սկզբում նախատեսված է եղել British Airways և Eastern Air Lines ընկերությունների հնացող Boeing 727-ներին փոխարինելու համար։ Հետագայում սկսել է լայնորեն օգտագործվել Միացյալ Նահանգների քաղաքների, ինչպես նաև` Հյուսիսային Ամերիկայի արևելյան ափի և ևրոպայի միջև իրականացվող տրանսատլանտյան ծանրաբեռնված երթուղիներում։ Ընդհանուր առմամբ, 757-ը համարվում է Բոինգ-ի առավել հաջողված կոմերցիոն նախագծերից մեկը^[1]։

Boeing 757-ը միջին չափսերի, նեղ մարմնով երկու շարժիչանի օդանավ է։ Ընդունակ է փոխադրելու 200-ից 295 ուղևոր 5830-ից 7590 կիլոմետրի վրա։ Արտադրվել է 1982-ից սկսած։ Արտադրությունը դադարեցվել է 2004 թ. հոկտեմբերի 28-ին 1050 հատ արտադրելուց հետո^[2]։ Այս տեսակի վերջին օդանավը 2005 թ. նոյեմբերի 28-ին փոխանցվել է Shanghai Airlines ընկերությանը։ Ենթարկվել է ութ կործանարար վթարների, որոնցից յոթը՝ զոհերով։

Ստեղծման պատմությունը

70-ականների սկզբին 747-ի արձակումից հետո Boeing-ն սկսեց զարգացնել նեղ մարմնով 727-ը^[3]։ Ստեղծված լինելով կարճ և միջին չվուղիների համար, երեք շարժիչանի 727-ը 1960-ականների ամենալավ վաճառվող օդանավն էր և միացյալ նահանգների ներքին օդուղիների շուկայի հիմնասյունը^[3]^[4]։ Աշխատանքները կենտրոնացան 727-ի ամենահաջողված 189 տեղանոց 727-200-ը զարգացնելու վրա։ Կար երկու մոտեցում՝ զարգացրած 727-300 և բոլորովին նոր օդանավ՝ 7N7 անունով^[5]։ Առաջին տարբերակն ավելի էժան էր արժենալու, քանի որ պետք է օգտագործվեր 727-ի գոյություն ունեցող տեխնոլոգիան՝ նոր նյութերով։

Չափանիշները

	757-200	757-200PF	757-300
Անձնակազմը	Երկու
Նստատեղեր	200 (երկրորդ կարգի) 239 (առաջին կարգի)	N/A	243 (երկրորդ կարգի) 295^[6] (առաջին կարգի, առավելագույնը)
Բեռնախցի ծավալը	43.3 մ³
Երկարությունը	47.32մ		54.47մ
Թևերի բացվածքը	38.05մ
Պոչի բարձրությունը	13.56մ
Դատարկ քաշը	57 840կգ		64 590կգ
Առավելագույն բեռնված քաշը	115 680կգ		123 600կգ)
Ճախրելու արագությունը	530կմ/ժ, 850կմ/ժ 10.66կմ բարձրության վրա
Առավելագույն արագությունը	567կմ/ժ, 913կմ/ժ
Վառելիքի պաշարը	43 490լ	42 680լ	43 400լ
Թռիչքայի բարձրությունը	12,800մ
Շարժիչները (×2)	Rolls-Royce RB211 Pratt & Whitney PW2037 Pratt & Whitney PW2000		Rolls-Royce RB211 Pratt & Whitney PW2037 Pratt & Whitney PW2000 Pratt & Whitney PW2000

Վթարներ և պատահարներ

Նավի համարը	Ամսաթիվ	Վայրը	Նկարագրությունը	Զոհեր	Նավում եղածներ
B-2812	1990 թ. հոկտեմբերի 2	Գուանչժոու	Թռիչքի սպասելիս բախվել է վազքուղու վրա ընկած B737-ի հետ	46	122
N651AA	1995 թ. դեկտեմբերի 20	Բուգա (Կոլումբիա)	Կործանվել է լեռներում անձնակազմի սխալից	159	163
TC-GEN	1996 թ. փետրվարի 6	Ատլանտյան օվկիանոս	Արագության ցուցիչը բաց է եղել թռիչքից առաջ մի քանի օր և տվել է սխալ ցուցմունք	189	189
N52AW	1996 թ. հոկտեմբերի 2	Խաղաղ օվկիանոս	Լվացման ժամանակ կպչուն ժապավենով փակել են Պիտոյի խողովակը և մոռացել են հանեն	70	70
G-BYAG	1999 թ. սեպտեմբերի 14	Ժիրոնա, Իսպանիա	Հեղեղի ժամանակ կատարված կոշտ վայրէջքից դուրս է գլորվել վազքուղուց և ջարդվել է երեք մասերի^[7]	0	245
N644AA	2001 թ. սեպտեմբերի 11	Վաշինգտոն	Բռնագրավել են ահաբեկիչները և ուղղել են Պենտագոնի շենքի վրա	125+64	64
N591UA	2001 թ. սեպտեմբերի 11	Փենսիլվանիա, Միացյալ Նահանգներ	Կործանվել է այն բանից հետո, երբ ահաբեկիչները պայքարի մեջ են մտել ահաբեկիչների հետ	44	44
A9C-DHL	2002 թ. հուլիսի 1	Բոդենի լճի վերևում, Գերմանիա	Կարգավարի սխալից օդում բախվել է Տու 154-ի հետ	69+2	2