Algebra abstracte
Algebra abstracte[1] es le branca de mathematica que se occupa del structuras algebric como monoides, gruppos, anellos, corpores, spatios vectorial e algebras super un corpore. Illo recerca lor proprietates e characteristicas como structuras independente e specifica los axiomaticamente. Subbrancas del algebra abstracte es le theoria de gruppos, theoria de anellos e theoria de corpores. Al contrario, le algebra universal se occupa generalmente de structuras, lor homomorphismos e certe generalisationes.