Kufiya
Kufiya, anke kefiya (en l'Arabiana: كوفية), esas la tradicionala kap-tuko quan portas araba viri. La kufiya esas fixigata per "agal" (kordo) cirkum la supra parto di la kapo. La funciono esas shirmar la kapo kontre koldeso, polvo, suno e sablo. La kufiya esas tre ancien e precipue portesas da arabiani (beduini) e precipue da viri. La stofo esas lano o kotono.
La kufiya havas diferanta kolori por indikar tribuo o regiono, o motifi por indikar la richeso.
En Europa la kufiya portesas da la yunaro en alternativa cirklo.
Politiko
[redaktar | redaktar fonto]
La funciono di la kufiya chanjis dum l'epoki. Yaser Arafat portis la kufiya kom simbolo di la lukto Palestinana. En 1969 l'avion-sequestrinto Leyla Galed publike portis la kufiya drapirita sur la shultri. La kufiya divenis simbolo di la Palestinana rezisto, pro to ol anke nomesas Palestina-shalo, Arafat-shalo od OLP-shalo.