Odiseus

Odiseus esis Greka heroo en la Troyana milito. Il pensis pri la ruzajo kun la ligna kavalo pro quo la Greka vinkis. Pos la milito Odiseus devis vagar dek yari ante atingar Itaka, sua patrio. Homero skribis pri ilua avonturi en Odiseo. Kande Odiseus segl-iris adheme, il perdis la voyo pro tempesto e venis che la Lotus-manjanti. De ibe il atingis la lando di kiklopi ube la kiklopo Polifemos enkarcerigis il e sua viri. Odiseus ebriigis Polifemos, ekbruligis okulo ed eskapis pendante sub kaprulo. Il atingis l'insulo di Eolus, la deo di la venti, e seque per l'itinerario di la lestrigoni atingar l'insulo di sorcisto Kirke, ube il sejornis dum yaro. Per l'itinerario di Sireni, Skila e Karibdis e vizito a la submondo, il venis sur l'insulo di sun-deo Helios Hiperion. La viri di Odiseus manjis la sakra bovi di Helios Hiperion ed ilta perisigis li dum tempesto meze sur maro. Odiseus tervenis che la nimfo Kalipso qua dorlotis lu dum sep yari ante lasar lu irar adheme. Per la lando di la Feaki ube Nausika aceptis lu plena de amo il tandem atingis Itaka. Hike il erste devis kombatar l'amanti, ante kom rejo itere juntar su a sua spozo Penelope.