Pensilvania

Commonwealth of Pennsylvania Stato di Usa Chefurbo Harrisburg Maxim granda urbo Filadelfia Oficala linguo ne havas. L'angla esas de facto Surfaco 119 283 km² Habitanti Denseso di habitantaro 12 805 357 (2017) 110 hab./km² Guberniestro Tom Wolf (D) Transformo en stato: 12ma di decembro 1787 Posto-kodexo abreviuro PA Reto www.state.pa.us

Pensilvania (Angle Pennsylvania) esas Usana stato. Lu havas kom vicini Delaware e Maryland sude, Westal Virginia sud-weste, Ohio weste, Nova-York norde, e Nova-Jersey este.

Bazala fakti pri Pensilvania.

Historio

Nova-Suedia.

Ante l'arivo dil Europani, la tribui qui habitis la regiono esis le Lenape (de etnio Algonquiana), e le Susquehannock e le Petun (de etnio Iroquoiana). Angli e Nederlandani disputis amba rivi dil fluvio Delaware, e Nederlandani esis l'unesma populo qua okupis la regiono. Ye la 3ma di junio 1631 li instalis la kolonio Zwaanendael an la peninsulo Delmarva.

En 1638, Suedi establisis la kononio Nya Sverige ("Nova Suedia"), ube nune jacas l'urbo Wilmington. Lua kolonio duris til 1655, e pose enkorpigesis da Nova-Nederlando. Ye la 4ma di marto 1681 rejulo Charles la 2ma di Anglia grantis la regiono a William Penn.

Pensilvania divenis Usana stato ye la 12ma di decembro 1787. Ol esis la duesma ex-Britaniana kolonio qua divenis Usana stato.

Geografio

Mapo di Pennsylvania, kun lua precipua urbi e chosei.

Pensilvania havas multa mikra-klimati, ma la precipua esas kontinentala. En Filadelfia, la klimato esas subtropikala. La maxim alta temperaturo dum la somero esas 29ºC.

Ekonomio

Filadelfia (Angle: Philadelphia) en sud-esto e Pittsburgh en sud-westo esas industriala urbi, ma granda parto dil stato esas rurala. Importanta kompanii havas sideyi en la stato, kom Wal-Mart, U.S. Steel, PPG Industries, Alcoa e Merck.