Skorpiono
Skorpiono | ||
![]() | ||
Nigra skorpiono (Androctonus crassicauda) | ||
Bifurkeyo: | Arthropoda | |
Klaso: | Arachnida | |
Rango: | Scorpiones |
Skorpiono esas artropodo de la klaso Arachnida, kun du pinci e dardo an l'extremajo di la kaudo. Existas cirkume 1400 speci di skorpioni konocata en tota mondo, e lia grandeso varias de 9 milimetri (Typhlochactas mitchelli) til 21 o mem 23 centimetri (Pandinus imperator e Heterometrus swammerdami). Li ordinare habitas arenoza o rokoza tereni, en regioni tropikala ed arida. Existas minoritato di speci qui habitas arbori, od interne kaverni. Multa speci esas danjeroza por homi, nam li posedas glandi di veneni, qui injektesas per dardo en la kaudo.
![](https://upload.wikimedia.org/wikipedia/commons/thumb/0/07/Pulmonoscopius_BW.jpg/280px-Pulmonoscopius_BW.jpg)
Skorpioni posible aparis dum Silurian-epoko (cirkume 430 milion yari ante nun). Ca skorpioni posible esis granda ed amfibia, e havis brankii por respirar sub l'aquo. La maxim anciena fosili konocata evas de Karbonifer-epoko e Devonian-epoko, cirkume 325 milion yari ante nun, kande aparis giganta speci qui povis esar plu longa kam 85 centimetri, exemple Pulmonoscorpius kirktonensis.
Skorpioni esas multe rezistanta a radiaco ed alta temperaturi.