Delí
Útlit
![](https://upload.wikimedia.org/wikipedia/commons/thumb/e/e6/National_Capital_Territory_of_Delhi_in_India_%28special_marker%29_%28disputed_hatched%29.svg/220px-National_Capital_Territory_of_Delhi_in_India_%28special_marker%29_%28disputed_hatched%29.svg.png)
![Delí](https://upload.wikimedia.org/wikipedia/commons/thumb/e/e4/Smog_in_Dehli_edited.jpg/200px-Smog_in_Dehli_edited.jpg)
Delí (á hindí दिल्ली eða देहली ) er næststærsta borg Indlands með yfir 11 milljónir íbúa og er stórborgarsvæði borgarinnar það áttunda stærsta í heimi.
Borgin liggur við bakka Yamuna-fljóts á Norður-Indlandi en þar hefur verið byggð síðan á 6. öld f.Kr. Á 13. öld fór Delí að verða miðstöð stjórnmála, verslunar og menningar. Þegar Breska Austur-Indíafélagið náði völdum víða á Indlandi á 18. og 19. öld varð Kalkútta höfuðborg landsins en Georg V Bretlandskonungur kunngerði árið 1911 að höfuðborgin skyldi flutt á ný til Delí. Sunnan gömlu borgarinnar var reist ný höfuðborg, Nýja Delí á 3. áratug 20. aldar. Þegar Indland hlaut sjálfstæði frá Bretum árið 1947 var Nýja Delí gerð að höfuðborg landsins og stjórnsetri.