(Translated by https://www.hiragana.jp/)
Lukman Sardi - Wikipédia Menyang kontèn

Lukman Sardi

Saka Wikipédia Jawa, bauwarna mardika basa Jawa
Lukman Sardi
Lair (1971-07-14) Juli 14, 1971 (umur 53)
Jakarta, Indonesia
BangsaIndonesia
PakaryanArtis, Direktur, Produser
Taun aktif1977 - saiki
BojoPricillia
AnakAkiva Dishan Ranu Sardi
Wong tuwaIdris Sardi dan Zerlita

Lukman Sardi (lair ing Jakarta, 14 Juli 1971; umur 53 taun; dikenal uga karo jeneng Memet) iku pemeran Indonesia, Dhèwèké dikenal dadi aktor kang duwé bakat kang wataké ora padha nanging dimainaké kanthi apik.[1]Lukman Sardi iku putra saka Zerlita lan violis legendaris ning Indonésia, Idris Sardi.[1] Penyanyi Shelomita iku adhi tiriné Lukman Sardi, sawisé bapané (Idris Sardi) nikah karo artis Marini.[1]

Ning umuré kang esih enom, nalika Lukman Sardi esih taman kanak-kanak wus mbintangi 7 filem.[1] Nanging wektu SMP dhèwèké kudu mandhek saka dunya akting lan serius ngurusi sekolahé.[1]

Sacara meneng-meneng, aktor iki nikah ning tanggal 28 Maret taun 2009, dhèwèké resmi nikah karo pepujaning atiné kang duwé jeneng Priscilia.[1]

Ning tanggal 28 Dhésèmber akir taun 2009, Lukman Sardi olèh anak kang pisanan.[1] Bayi iku lanang dilairaké kanthi cara caesar ning rumah sakit Brawijaya.[1] Lan diwenenhi jeneng Akiva Dishan Ranu Sardi.[1]

Karier

[besut | besut sumber]

Lukman Sardi iku aktor kang wus nggeluti dunya filem awit dhèwèké cilik, ning umur limang taun.[1] Debut filemé duwé judhul KEMBANG-KEMBANG PLASTIK (taun 1978) lan PENGEMIS DAN TUKANG BECAK (taun 1978), kang diarah déning sutradara Wim Umboh.[1]

Sawisé suwé ora metu, Lukman Sardi njebul manèh sadelak kanggo mbintangi sinétron ENAM LANGKAH (ning taun 1994), produksi Miles.[1] Nanging dhèwèké ngilang manèh, lan muncul manèh ning filem GIE (2004), filem kang dibintangi dhèwèké bebarengan karo Nicholas Saputra.[1]

Panghargaan kang tau diraih déning putra maestro piyul Idris Sardi iki kaya ta, The Best Actor ning ajang Bali International Film Festival 2006, nominasi MTV Indonésia Movie Award 2006 dadi Most Favourite Actor, nominasi Festival Film Indonésia Jakarta 2006, dadi pameran pendukung priya paling apik.[1]

Film kang kondhang kaya ta, 9 NAGA, BERBAGI SUAMI lan PESAN DARI SURGA.[1] Ning filem PESAN DARI SURGA (2006), Lukman Sardi meranaké Kuta, priya kang dadi anggota grup musik lan nyekel pérangan bass kang duwé kauripan menyimpang babagan sèksual.[1] Kanggo peran iki, Lukman Sardi sempet risih nanging amarga péngin tampil profésional Lukman kudu nglakoni kanthi total.[1]

Film Lukman Sardi kang judhulé NAGA BONAR JADI 2, garapan sutradara lan aktor Deddy Mizwar.[1] Ning filem iki, Lukman meranaké dadi sopir bajay kang sok ngantér lan sok diomel déning Naga Bonar (Deddy Mizwar).[1]

Kamampuané ora diragukaké manèh, Lukman Sardi uga ora mbeda-mbedakaké gedhé ciliké akting kang bakal diperanaké déning dhèwèké, Lukman tetep maksimal.[1] Kaya ta nalika dhèwèké meranaké dadi wong autis ning vidio klip Malaékat Juga Tahu anduwené Dewi Lestari.[1]Dhèwèké olih panghargaan dadi Model Video Klip Terdahsyat ning ajang Dahsyat Awards nalika April taun 2009.[1]

Lukman Sardi kang ngidolakaké bapané dhéwé, violis kondhang, Idris Sardi iki bisa nyabet panghargaan ning kategoru Pemeran Pembantu Priya Paling Apik ning ajang Indonésian Movie Awards 2009.[1] Taun 2011, Lukman Sardi nyoba main filem kang temané kepahlawanan.[2] Film iku judhulé MESTAKUNG, ning filem iku Lukman Sardi kudu bisa meranaké wong kang logaté Madura.[2]

Filmografi

[besut | besut sumber]

Film[1]

  • KEMBANG-KEMBANG PLASTIK (1978)
  • PENGEMIS DAN TUKANG BECAK(1979)
  • DINGINNYA HATI SEORANG GADIS (1979)
  • ANAK-ANAK TAK BERIBU (1980)
  • GIE (2005)
  • 9 NAGA (2006)
  • BERBAGI SUAMI (2006)
  • JAKARTA UNDERCOVER (2006)
  • PESAN DARI SURGA (2006)
  • NAGA BONAR (JADI) 2 (2007)
  • THE PHOTOGRAPH (2007)
  • QUICKIE EXPRESS (2007)
  • KAWIN KONTRAK (2008)
  • IN THE NAME OF LOVE (2008)
  • MAY (2008)
  • LASKAR PELANGI (2008)
  • KAWIN KONTRAK LAGI (2008)
  • PENCARIAN TERAKHIR (2008)
  • TAKUT: FACES OF FEAR (2008)-SEGMEN SHOW UNIT
  • LASTRI (2008)
  • MERAH PUTIH (2009)
  • HEART-BREAK.COM (2009)
  • SANG PEMIMPI (2009)
  • TANAH AIR BETA (2010)
  • RED COBEX (2010)
  • DARAH GARUDA (2010)
  • SANG PENCERAH (2010)
  • AKU ATAU DIA (2010)
  • JAKARTA MAGHRIB (2011)
  • HATI MERDEKA (2011)
  • SERDADU KUMBANG (2011)

Sutradara

[besut | besut sumber]
  • SANG PENJAHIT (Film Pendek, 2009)[1]

Sinetron

[besut | besut sumber]
  • ENAM LANGKAH[1]

PENGHARGAAN[1]

[besut | besut sumber]
  • Nominasi Pemeran Pendukung Pria Terbaik-Festival Film Indonesia 2005 Jakarta
  • The Best Actor-Bali International Film Festival 2006
  • Nominasi Most Favourite Actor-MTV Indonesia Movie Award 2006
  • Nominasi Pemeran Utama Pria Terbaik-Festival Film Indonesia 2006 Jakarta untuk Piala Vidia
  • Pemeran Utama Pria Film Terpuji-Festival Film Bandung 2006
  • Pemeran Pendukung Pria Terbaik-Festival Film Indonesia 2007
  • Nominasi Pemeran Pendukung Pria Terbaik-Festival Film Indonesia 2008
  • Nominasi Pemeran Pendukung Pria Terbaik-Indonesian Movie Award 2008
  • Model Video Klip Terdahsyat-DahsyatNya Award 2009
  • Pemeran Pendukung Pria Terbaik-Indonesian Movie Award 2009
  • Nominasi Pemeran Utama Pria Terbaik dan Terfavorit-Indonesian Movie Award 2009

Cathetan suku

[besut | besut sumber]
  1. ↑ a b c d e f g h i j k l m n o p q r s t u v w x y z aa biografi lukman sardi dipununduh tanggal 17 Juli 2011
  2. ↑ a b Lukman Sardi Belajar Logat Madura dipununduh tanggal 17 Juli 2011
Dijupuk saka "https://jv.wikipedia.org/w/index.php?title=Lukman_Sardi&oldid=1695167"