Skala N
![](https://upload.wikimedia.org/wikipedia/commons/thumb/6/6b/Ngauge-rail.jpg/220px-Ngauge-rail.jpg)
Skala N iku siji skala sepur modèl. Ukuran ril standar kang ambané 1435 mm, ing skala iki dadi 9 mm. Ukuran skalané ana 1:160. Skala N iku papané antara skala TT (1:120) lan skala Z (1:220). Aksara N ing skala iki, ya iku cekakan saka tembung nine ing basa Inggris utawa neun ing basa Jerman kang tegesé 'sanga'. Tembung sanga iki ya ngrujuk marang ukuran 9 mm. Sepur modèl ing skala iki kurang luwih gedhéné separo saka modèl ing skala H0 (1:87).
Segi positif skala N iku, wong-wong kang nduwé hobi iki bisa nggawé rancangan tata susun ril (layout) kang mbutuhaké papan luwih sithik tinimbang ing skala H0 utawa nggawé jalur sepur kang luwuh dawa utawa nganggo dèrètan gerbong luwih dawa. Ambané kurang luwih 25% saka ambané layout ing skala H0.
Sanadyan skala N iku cilik, isih ana skala kang ukurané luwih cilik lan uga didol. Skala iki ya iku skala Z (1:220) kang wis ditulis ing dhuwur. Banjur uga ana skala TT manèh kang luwih cilik kang ukurané 1:450.
Babad ing skala N
[besut | besut sumber]![](https://upload.wikimedia.org/wikipedia/commons/thumb/7/79/Bachmann-2-6-6-2withPencil.jpg/220px-Bachmann-2-6-6-2withPencil.jpg)
Firma kapisan kang ngukuhaké standar skala N iku jenengé Arnold ing taun 1962. Kala iku dikukuhaké manawa ukurané ya iku 1:160. Standar iki isih panggah padha nganti sepréné. Ing taun 1964 skala iki ditetapaké kanthi internasional lan diarani N, déné aksara iki aksara wiwitan saka tembung sanga ing akèh basa. Contoné nine ing basa Inggris lan neun ingbasa Jerman. Saliyané iku siji cantholan gerbong uga distandardisasi, kang nganti saiki isih dienggo. Ing taun kang padha firma Trix ing Jerman Kulon lan Piko ing Jerman Wétan padha produksi sepur modèl ing skala iki. Produsèn-produsèn liyané padha mèlu produksi lan saiki skala N iku saindhenging donya nomer loro kang paling populèr sawisé H0.
Réferènsi
[besut | besut sumber]Pranala njaba
[besut | besut sumber]T (1:450) | ZZ (1:300) | Z (1:220) | N (1:160) | TT (1:120) | H0 (1:87) | 00 (1:76,2) | S (1:64) | 0 (1:45) | I (1:32) | II (1:22,5)
TY (1:900 / 1:1000) (ora resmi)