Dr. Dre
| Dr. Dre | |
|---|---|
 | |
| დაბადების სახელი | ანდრე რომელ იანგი[1] |
| დაბადების თარიღი |
18 თებერვალი, 1965[2] კომპტონი, კალიფორნია, აშშ |
| საქმიანობა | რეპერი,DJ , პროდიუსერი,მსახიობი |
| აქტიური | 1984 - დღემდე |
| მეუღლე(ები) | ნიკოლ იანგი (1996-დღემდე) |
| ლეიბლ(ებ)ი |
Kru-Cut Records (1984-1986) Ruthless Records (1986-1991) Priority Records (1988-1991) Death Row Records (1991-1996) Interscope Records (1992-present) Aftermath Entertainment (1996-დღემდე) |
| ასოციაციები | N.W.A, World Class Wreckin' Cru, The D.O.C, 2Pac, 50 Cent, Above the Law, ემინემი, Game, ჰაჯი სპრინგერი, კენდრიკ ლამარი, ნეიტ დოგი, სნუპ დოგი, Tha Dogg Pound, Xzibit |
| ჟანრ(ებ)ი | ჰიპ-ჰოპი |
| საიტი | drdre.com |
ანდრე რომელ იანგი (Andre Romell Young, დ. 1965 წლის 18 თებერვალს), უფრო მეტად ცნობილი როგორც Dr. Dre — ამერიკელი რეპერი, პროდიუსერი და მსახიობი. იგი აგრეთვე არის კომპანიების Aftermath Entertainment და Beats Electronics დამაარსებელი. წინა წლებში იგი იყო ლეიბლის Death Row Records თანამფლობელი.
Dr. Dre ცნობილია, როგორც ბევრი რეპერის ალბომის პროდიუსერი, მათ შორის - სნუპ დოგის, ემინემის, 50 Cent-ის და Game-ის. იგი ითვლება დასავლეთ სანაპიროს ჰიპ-ჰოპის ქვეჟანრის, ჯი-ფანკის მთავარ პოპულარიზატორად. 2011 წელს იგი ჟურნალ Forbes-ის მიერ ამერიკული ჰიპ-ჰოპ სცენის რიგით მესამე ყველაზე მდიდარ პიროვნებად დასახელდა, დაახლოებით 250 მილიონი დოლარის ქონებით.[3]
Dre-ს კარიერა დაიწყო ჯგუფში World Class Wreckin' Cru. მოგვიანებით მან ჩამოაყალიბა განგსტა-რეპ N.W.A, რომელშიც შედიოდნენ Eazy-E, Ice Cube, MC Ren და DJ Yella. ამ ჯგუფმა პოპულარობა მოუტანა რეპში გულწრფელ ტექსტებს, რომლებიც ქუჩურ ცხოვრებას მიმოიხილავდნენ. 1992 წლის სადებიუტო სოლო-ალბომმა The Chronic, გამოცემულმა ლეიბლზე Death Row Records, რეპერი აქცია 1993 წლის ერთ-ერთ ყველაზე გაყიდვად ამერიკელ შემსრულებლად და მოუტანა გრემის ჯილდო სინგლისათვის „Let Me Ride“. ამავე წელს მან პროდიუსერობა გაუწია სნუპ დოგის, შემდგომში ოთხმაგი პლატინის სტატუსის მატარებელ ალბომს Doggystyle.
1996 წელს მან დატოვა Death Row და დააარსა საკუთარი ლეიბლი, Aftermath Entertainment. ამ ლეიბლზე მან 1996 წელს გამოსცა კრებული Dr. Dre Presents the Aftermath ხოლო 1999 წელს - სოლო-ალბომი 2001, რომელმაც მას მოუტანა გრემის ჯილდო პროდიუსერის კატეგორიაში. 2000-იან წლებში მან ყურადღება გადაიტანა სხვა შემსრულებლებზე და დრო და დრო ამა თუ იმ სიმღერაში ვოკალურ ნაწილებს ასრულებდა. 1998 და 2003 წლებში მან თავის ლეიბლთან სათანამშრომლოდ ემინემი და 50 Cent გააფორმა და მათ ალბომების პროდიუსერობას უწევდა. მას აგრეთვე მონაწილეობა აქვს მიღებული ფილმებში „გამოწვევა“, „სამრეცხაო“ და „მომზადების დღე“.
დისკოგრაფია
[რედაქტირება | წყაროს რედაქტირება]
მთავარი სტატია: Dr. Dre-ს დისკოგრაფია და Dr. Dre-ს პროდიუსერული დისკოგრაფია.- The Chronic (1992)
- 2001 (1999)
- Compton: A Soundtrack by Dr. Dre (2015)
რესურსები ინტერნეტში
[რედაქტირება | წყაროს რედაქტირება]- Dr. Dre საიტზე MySpace
- Dr. Dre კინოფილმების ინტერნეტ-მონაცემთა ბაზაში
- ოფიციალური საიტი
- Beats by Dr. Dre
- Dr. Dre საიტზე WhoSampled
- Dr. Dre დაარქივებული 2011-07-07 საიტზე Wayback Machine. საიტზე Beatbuggy
სქოლიო
[რედაქტირება | წყაროს რედაქტირება]- ↑ Ro 2007, p. 1
- ↑ „Monitor“. Entertainment Weekly (1247). Feb 22, 2013. p. 32.
- ↑ 3. Andre "Dr. Dre" Young ($250 million). Forbes Magazine. დაარქივებულია ორიგინალიდან — აპრილი 26, 2013. ციტირების თარიღი: May 4, 2012.
| ||||||||||||||||||||