Phthiraptera

Micrographia Fahrenholziae pinnatae

---

Animalia — Arthropoda

Classis : Insecta 
Subclassis : Pterygota 
Infraclassis : Neoptera 
Superordo : Exopterygota 
Ordo : Phthiraptera 
Haeckel, 1896

   

Subdivisiones: Subordines

Anoplura

Rhyncophthirina
Ischnocera

Amblycera

Pulex et pediculus sunt insecta ordinis Phthirapterorum

Phthiraptera (Graece ϕθείρ 'pedis' + πτερόν 'ala') sunt ordo insectorum alis carentium, cui specierum sunt plus quam tria milia. Hi sunt parasiti obligati, qui in partibus externis hospitum sanguinis calidi (homoeothermicorum) vivunt, inter quos sunt fere omnes species avium et mammalium, monotrematibus, pholiodotis, chiropteris, ac cetaceis exceptis. Etiam morbos ut typhum vehere possunt.

Latinitate antiqua dicitur pedis vel pediculus; hoc autem nostra aetate est etiam nomen generis Pediculi familiae Pediculidarum.

Descriptio

Pedis corpus est planum, longum inter 0,5 et 8 millimetra, sex praeditum brachiis: quorum quattuor posterioribus, adhaeret pilo mammalis vel pennae avis; duobus autem anterioribus, adhaeret hospitis cuti, ubi alitur. Alii pedes sunt sugentes, alii vero mandentes. Ova pedium sunt albi coloris, et adhaerent pilis vel pennis hospitum.

Pedes habitant mammalium pilos vel avium penas, quibus adhaerent ut vescantur sanguine, cutis vel pennarum residuis, aut adipe ex cute manente. Quaeque pedis species suos habet mores, suisque tantum utitur hospitibus, ex quibus maxime pendunt, ne exstinguantur. Avium pedis, exempli gratia, non adhaeret homini, neque hominis pedis adhaeret avibus.

Subordines

Phthirapterorum ordo in quattuor dividitur subordines:

1. Anoplura: quaedam sunt parasiti sugentes; quaedam parasiti mandentes. Mammalium tantum, et inter ea, hominis, utuntur hospitio.
2. Rhyncophthirina: sunt parasiti aprorum (phacochoerorum) et elephantorum.
3. Ischnocera: sunt parasiti mandentes, qui aluntur residuis avium mammaliumque.
4. Amblycera: sunt etiam parasiti mandentes, qui vescuntur residuis avium et mammalium.

Nexus externi

Vicimedia Communia plura habent quae ad Phthiraptera spectant.

• Pthiraptera, Fauna Europea
• De pediculis apud National pesticide information center