Liscador
Un liscador es un veculo amfibin capas de viaja supra tera, acua, fango, jelo, e otra surfases.
Liscadores usa sofladores per produi un volum grande de aira su la casco, o cuxin de aira, cual es pico supra la presa atmosferal. La difere de presa entre la aira de presa plu alta su la casco e la aira ambiente de presa plu basa supra lo produi leva, cual causa ce la casco flota supra la surfas corente. Per razonas de stablia, la aira es tipal soflada tra ranures o bucos sirca la esterna de un plataforma con forma de disco o oval, donante a la plu de liscadores un forma tipal de retangulo con bordas ronda.