Sarmatianes
![](https://upload.wikimedia.org/wikipedia/commons/thumb/3/38/Tabula_Asiae_II_-_Sarmatia_Asiatica.jpg/220px-Tabula_Asiae_II_-_Sarmatia_Asiatica.jpg)
La sarmatianes (latina: sarmatae, sauromatae; elinica Σαρμάται, Σαυρομάται) ia es un federa grande de iranis cual de antica clasica, ci ia flori sirca de la sentenio 5 aec a 4 ec.
Los orijina en la partes sentral de la stepe eurasian, e ia comensa migra a ueste sirca la sentenios 4 e 3 aec, dominante la popla relatada, la scitianes, par 200 aec. A sua estende la plu grande, sirca la sentenio prima ec, esta tribus ia estende de la Rio Vistula a la Rio Danubio e a este a la Rio Volga, longo la costas de la Mar Negra e la Mar Caspio, e la Caucasos a la sude.
Sua teritoria, conoseda como Sarmatia a la arcivores elenica e roman, ia coresponde a la parte ueste de Scitia grande. En la sentenio prima ec, la sarmatianes ia comensa prosimi la Impero Roman, aliada con tribus germanica. En la sentenio 3 ec, sua domina de la stepe pontica ia es rompeda par la gotos. Con la invades de la hunes de la sentenio 4 ec, multe sarmatianes ia alia con la gotos e vandales en coloni la Impero Roman Ueste. Car partes grande de Rusia oji, spesial la area entre la Montes Ural e la Rio Don, ia es ancora controlada par la sarmatianes, la area es a veses nomida "la pais madrin de la sarmatianes".
Ultima, la sarmatianes ia es tota asorbada ("slavicida") par la popla protoslavica de Europa este.