Soul

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

't Staxmuseum in Memphis, Tennessee, 'ne replica vaan de studio vaan 't klassiek soullabel Stax.

Soul is e popmeziekgenre, oontstande oonder de Afro-Amerikaanse bevolking vaan de Vereinegde Staote in de late jaore 1950 en vreug jaore 1960. De meziek heet ziech oontwikkeld oet rhythm and blues, mèt sterken invlood vaan gospel en in minder maote jazz. Kinmerke zien de geprononceerden afterbeat en sterk melismatischen, emotioneel gelaoje zaank (vaandao de naom). Vreuge soul woort gespäöld mèt e rock 'n roll-instrumentarium, later woorte ouch orkeste en elektronische meziek es begeleiing ingezat. De funk oontstoont roond 1970 es snelle vörm vaan soul, dewijl ind jaore 1980 de r&b es daansbaren, elektronische vörm vaan soul 't leech zaog. Ouch d'n disco is oet de soul oontstande, meh versjèlt daovaan doortot heibij op alle veer tèlle e sterk ritmisch accent ligk. De soulmeziek späölde 'n groete rol in de (zwarte) börgerrechtebeweging in de VS vaan de jaore 1960. De associatie mèt 't Afro-Amerikaans volksdeil is, in tegestèlling tot aander popmeziekgenres, noets gans verdwene; wienie Europeaone en Euro-Amerikane ziech aon 't genre waoge, sprik me dèks vaan blue-eyed soul. Klassieke soullabels zien Stax, Atlantic en Motown.

  Dit artikel is e sjtumpke. De kans Wikipedia helpe door 't aan te völle