Archytas
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
![](https://upload.wikimedia.org/wikipedia/commons/thumb/4/4a/Archytas.jpg/220px-Archytas.jpg)
Archytas (Grieks: Ἀρχύτας) (428 v.Chr. - 347 v.Chr.) waor 'ne filosoof, mathematicus, astronoom, sjtaotsmaan, sjtrateeg en bevelhebber in de Griekse aodheed.
Archytas is gebaore in Tarentum, Magna Graecia (allewiel Zuid-Italië) en waor d'r zoon van Mnesagoras van Histiaeus. E sjtudeerde 'ne tied oonder Philolaus en waor lieërer mathematica vör Eudoxus van Cnidus. E waor 'ne wetensjapper van de sjoeël van Pythagoras en beroemd öm z'n gooj vreunsjap mèt Plato. Menaechmus waor ooch 'ne sjtudaent van 'm en van Eudoxus.
Soms wert Archytas gezieë es d'r sjtichter van de mathematische mechanica.
Bewaerd wert dat e 't örsjte keunsmatig en zelfsjtandig vörtgedraeve vleegmesjieng haat oontwórpe en geboewd, e model in de vörm van 'ne vaogel mèt e saoërt sjtraolaandrieving óp basis van sjtoom. Wieëtsjiengt haat dat mesjieng werkelek 200 m. gevlaoge. 't Mesjieng waoërt dör d'r oetveender De Doef geneumd.