Robert Mugabe
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
![](https://upload.wikimedia.org/wikipedia/commons/thumb/8/83/Mugabecloseup2008.jpg/220px-Mugabecloseup2008.jpg)
Robert Gabriel Mugabe (21 fibberwarie 1924 - 6 september 2019) waar 'ne Zimbabwaanse politicus. Vanaaf 1980 waar hae 't sjtaotshouf van Zimbabwe, eers es premier, daonao es president. In de letste jaore van zien presidentsjap waerde hae door väöl luuj gezeen es 'nen dictator, mit name ómdet zien wil óm de mach te haje daotoe lèdde det 't economisch waalzeen van de Zimbabwaanse bevolking te lieje haj.
Mugabe waar gebaore in de buurt van Fort Victoria (allewiel Masvingo) en haet aan versjillende universiteite gesjtudeerd, worónger de Universiteit van Fort Hare in Zuud-Afrika en de Universiteit van Accra in Ghana.
Mugabe lèdde de sjtried taenge de Blanke in Zuud-Rhodesië, wonao d'r in 1980 bie de eerste vriej verkeziginge waerde verkaoze es premier. In zien karjaer haet hae de mienserechte meermaals gesjónje, worónger in 1982, toe d'r meer es 20.000 Ndebele-luuj leet vermaorde, ómdet zie ziene taengesjtenjer Joshua Nkomo sjteunde.