Evangêio
ZE
|
Quésta pàgina a l'é scrîta in léngoa zenéize
![]() A Grafîa adeuviâ a l'é quélla de l'Académia Ligùstica do Brénno |
![](https://upload.wikimedia.org/wikipedia/commons/thumb/3/32/P52_recto.jpg/200px-P52_recto.jpg)
I Evangêi (ma se dîxe ciù senpliceménte Evangêio) són di lìbbri asæ antîghi che cóntan a vìtta e a predicaçión do Gêxù de Nàzaret. L'é in sce sti chi ch'o se bâza o Crestianêximo.
A paròlla Evangêio a vêgne da-a paròlla grêga
![](https://upload.wikimedia.org/wikipedia/commons/thumb/7/75/I_Evang%C3%AAi_-_Copertina.pdf/page1-300px-I_Evang%C3%AAi_-_Copertina.pdf.jpg)
Descriçion e stöia
[modìfica | modìfica wikitèsto]Inti prìmmi sécoli de vìtta da comunitæ crestiànn-a són stæte scrîte asæ òpere ciamæ evangêi.
Dötræ de lô se són pèrse, ma ne són stæte trovæ de âtre gràçie a-e scovèrte archiològiche a partî da-o sécolo decimonöno.
![](https://upload.wikimedia.org/wikipedia/commons/thumb/6/6b/Matthaeus.jpg/220px-Matthaeus.jpg)
Fra i Evangêi sopravisciûi scìnn-a-a giornâ d'ancheu, i quàttro ciù antîghi, che cóntan a vìtta, a mòrte e a resureçión do Gêxù Crìsto, l'Evangêio segóndo o Matê (40-50 d.C.), l'Evangêio segóndo o Màrco (65 d.C), l'Evangêio segóndo o Lùcco (65-70 d.C.), l'Evangêio segóndo o Gioâne (100 d.C.) són conscideræ canònichi da-e comunitæ crestiànn-e, che conscìderan no viâxi tùtti i âtri Evangêi.
A partî da-o sécolo segóndo, a paròlla Evangêio a sèrve a indicâ o génere leterâio ch'o cónta a vìtta do Gêxù, i sò insegnaménti, e sò òpere, a sò mòrte e resureçión.
Sto génere leterâio o se distìngoe da quéllo de biografîe: a raxón de ste chi a l'é quélla de fornî 'n'informaçión conplêta in sciâ vìtta de 'na persónn-a; in càngio, inti evangêi a raxón finâle a l'é quélla de trasmétte a predicaçión da Gêxa di ténpi apostòlichi ch'a rigoàrda Quéllo ch'o l'é conscideròu o sò Segnô e o sò Mescîa, o Gêxù de Nàzaret, incarnòu, mòrto e resuscitòu pe-a sarvéssa de l'umanitæ.
Vôxe corelæ
[modìfica | modìfica wikitèsto]Âtri progètti
[modìfica | modìfica wikitèsto]Wikimedia Commons a contêgne di files in sce Evangêio
Contròllo de outoritæ | NDL (EN, JA) 01123931 |
---|