Calor sconduu
In termodinamica, el calór sconduu a l’è la quantità de energia scambiada (in forma de calor) in del cors de ‘na transizion de fase (o "passagg de stat").[1] Per esempi, el "calor scondùu de fusión"a l’è l'energia màssima che la corrispond al passagg de on sistèma (fa su de vuna o pussè de sostanz chìmich) dal stat sòlid a quèll liquid.
Caratteristich
[Modifega | modifica 'l sorgent]L'unità de misura del calor sconduu
Seconda conforma a la teoria cinetica di gas, in del cors de la transizion de fase de on sistema bifasich, l'energia fornida al sistèma (o mandada foeura del sistèma ) la fa minga andà su (o giò) la temperadura del sistéma medésim, puttòst l’agiss in su la forza di ligamm inter-molecolar. Quèll’energìa chì a l’è el calor sconduu.
Per esempi, come che la se fa buì de l'acqua, el calór fornì el ne fa minga andà su la temperadura (la temperadura defàtt la resta l’istèssa in del cors de la bùidura), ma ghe dà energia ai molécol, che de conseguenza sarànn liber de occupà tutte el volùmm a sò disposizion (o ben passarànn del stat liquid, che sé pò comprìmm aquas nagòtt, al stat de vapor), fin a quand tuta l’acqua la sarà andada in fase gazosa.
Seconde el tipo de transizion de fase, se parla de:
- calor sconduu de fusion
- calor sconduu de vaporizzazion (buidura o svaporament)
- calor sconduu de sublimazion.
Il calor necessari al passagg de fase a l’è:
o ben el calor Q fornìi o tòlt via del sistéma l’influenza minga la temperadura, ma l’è proporzional a la quantità de sostanza m che l’ha cambiàa fase, e ‘l va adrée fin tant che tuta la sostanza l’ha nò cambià fase. In mancanza de transizion de fase, inveci, un appòrt o un preliév de calor el detèrmina 'na variazion de temperadura: se parla in quèl caso chì de calor sensibil.
Tabèlla
[Modifega | modifica 'l sorgent]Calor sconduu e temperadura al passagg de stat de sostanz comun
| ||||
Sostanza | Calor sconduu de fusion [kJ/kg] |
Temperadura de fusion [°C] |
Calor sconduu de vaporizzazion [kJ/kg] |
Temperadura de buidura [°C] |
---|---|---|---|---|
etanòl | 108 | -114 | 855 | 78,3 |
Ammoniaca | 339 | -75 | 1369 | -33 |
Anidride carbonica | 184 | -78,5 | 574 | -56,56 |
Elio | 1.25 | -269,7 | 21 | -268,93 |
Idrògen | 58 | -259 | 455 | -253 |
Azòto | 25,7 | -210 | 200 | -196 |
Ossigen | 13,9 | -219 | 213 | -183 |
Mercurio | 11 | -39 | 294 | 357 |
Toluene | −95 | 351 | 110,6 | |
Solfer | 54 | 115 | 1406 | 445 |
Acqua | 333,5 | 0 | 2272 | 100 |
Note
[Modifega | modifica 'l sorgent]- ↑ (EN) DOE Fundamentals Handbook - "Thermodynamics, Heat transfer, and fluid flow", p. 21. Arqiviad qé: [1] ol 20 dicembre 2016
Bibliografia
[Modifega | modifica 'l sorgent]- Herbert Callen. Termodinamica. Tamburini Editore, Milano, 1972
Vos correlàa
[Modifega | modifica 'l sorgent]Ligamm de foeura
[Modifega | modifica 'l sorgent]- Calore latente di fusione dei metalli
- Determinazione dell'entalpia di evaporazione di un liquido puro
- Temperature e calori latenti di fusione di alcune sostanze calcolati a 1 atm
- Explain the latent heat and specific heat of water, ammonia, and methanol with degrees of freedom. URL consultad in data 24 maggio 2009. (arqiviad de l'url orijenal in data 6 febbraio 2009)
- Energy Matters – Heat