Carl Ludwig Willdenow
![]() |
Chest artícol a l'è scricc in Lumbàrt, ortograféa bresàna moderna. |
![](https://upload.wikimedia.org/wikipedia/commons/thumb/9/91/Karl_Ludwig_Willdenow.jpg/220px-Karl_Ludwig_Willdenow.jpg)
Carl Ludwig Willdenow (Berlì, 22 de óst del 1765 – Berlì, 10 de löj del 1812) l'è stat en botànic e farmacìsta todèsc.
Dòpo de 'n aprendistàt de farmacìsta, el g'ha stüdiàt midizìna e botànica a l'università de Halle e 'l g'ha utignìt endèl 1789 el tìtol de dutùr. El g'ha lauràt come farmacìsta a Berlino. Endèl 1789 l'è dientàt profesùr de stória natüràl al Collegium medico-chirurgicum, endèl 1801 l'è dientàt mèmber de l'académia de le sciènse e profesùr de botànica a l'università de Berlino che l'ìa apéna stàda fondàda.
A pàrter del 1811 el g'ha lauràt a Parigi. L'analizàa le piànte che 'l gh'ìa troàt l'Alexander von Humboldt endèl'Amèrica meridiunàl. Per vìa de 'na malatìa el g'ha duzìt turnà a Berlino, endóche l'è pò a mórt. Willdenow l'ìa giö dei piö famùs biòlogi sistemàtic e l'è cunsideràt giü dei fondadùr de la dendrologìa.
Endèle indicasiù botàniche l'abreviasiù Willd. la se referés a lü.