Gulai

Gulai
	Gulai ayam
Asa
Nagara	Indonesia
Daerah	Sumatera
Detail
Jinih idangan	Utamo
Panyajian	Angek, suhu ruangan

Gulai adolah sajinih masakan nan mamakai santan pakek jo langkok-langkok, ampia sarupo jo kari, nan populer di Indonesia jo Malaysia. Bahan-bahan utamo gulai biasonyo dagiang ayam, sapi, kambiang, ikan, jo makanan lauik, tapi dapek juo sayuran jo buah samacam daun ubi Parancih atau cubadak mudo.

Kuah gulai umumnyo pakek bawarna kakuniangan dek karano mamakai bubuak kunyik. Ado juo nan bawarna kahijauan, bagantuang pado langkok-langkok nan dominan dipakai. Kuah gulai tadiri dari banyak bana langkok-langkok, sarupo kunyik, katumba, marica, langkueh, sipadeh, lado, bawang merah, bawang putiah, adas, sarai, cangkiah, dan jintan, ditumbuak aluih jo dimasak basamo santan jo bahan-bahan utamonyo.^[1] Gulai acok disabuik sabagai kari caro Indonesia,^[2] walaupun seni masak Indonesia mangatahui juo masakan kari (atau kare) tu.

Macam

Gulai dipakiroan barasa dari Sumatera, Indonesia dan marupoan panyasuaian satampek dari kari India, dek karano adonyo pangaruah India pado masakan Indonesia. Masakan ko populer dan umum diedangkan di Nusantara, utamonyo di Sumatera, Jawa, Semenanjung Malaya, jo Kalimantan. Kuah pakek kakuniangan ko adolah salah satu kuah nan acok bana dipakai dek masakan Minangkabau, untuak mambari raso lamak jo padeh pado dagiang, ikan, atau sayua. Bahan-bahan ko dimasak lamo-lamo jo api ketek inggo mandidiah dalam santan, rampah-rampah, dan lado. Kuah gulai nan pakek kakuniangan dan padeh ko alah manjadi ciri khas di etalase rumah makan Padang di mano-mano.

Di Padang, pandai mamasak acok bararti pandai mambuek gulai. Randang, asam padeh, jo kalio acok dianggap subagai variasi dari gulai Padang.^[3] Kuah gulai nan dibuek pado masakan Minangkabau, Aceh, dan Malayu umumnyo labiah pakek daripado nan dibuek pado masakan Jawa nan labiah jalang sarupo sup nan diagiah potongan dagiang kambiang, jawi, atau dalam. Gulai umumnyo diedangkan basamo nasi angek, tapi babarapo resep gulai kambiang atau domba biaso pulo diedangkan jo roti canai.

Babarapo macam gulai manuruik bahan-bahannyo:

Unggeh

Gulai ayam
Gulai itiak
Gulai ati ampela
Gulai talua
Gulai talua itiak^[4]

Dagiang

Gulai kambiang^[5]
Gulai dagiang (jawi atau kabau)

Dalaman

Gulai ati jawi
Gulai limpo
Gulai gajeboh
Gulai tambusu atau gulai usuih
Gulai babek
Gulai tunjang
Gulai banak
Gulai sumsum

Ikan jo makanan lauik

Gulai ikan ameh
Gulai ikan patin
Gulai ikan kakap
Gulai kapalo ikan kakap
Gulai talua ikan
Gulai katam, gulai kapitiang atau gulai rajungan
Gulai cumi atau gulai sotong
Gulai pangek masin

Sayuran

Gulai cubadak
Gulai kacang panjang
Gulai daun ubi
Gulai daun paku
Gulai jariang
Gulai tahu

Rujuakan

↑ "Resep Gulai Ayam" Archived 2016-06-21 di Wayback Machine..
↑ Lilly T. Erwin.
↑ Donny Syofyan (24 November 2013). "By the way ... I just can't live without Padang food". The Jakarta Post.
↑ "Resepi Gulai Telur Itik". MyResipi. Diarsipkan dari versi asli tanggal May 31, 2014. Diakses tanggal May 31, 2014.
↑ "Gulai Kambing". Kompas.com. August 17, 2008. Diakses tanggal May 31, 2014.

Pautan lua

Resep Dan Cara Membuat Gulai Kepala Ikan Kakap Merah Archived 2014-05-30 di Wayback Machine.
Resep Dan Cara Membuat Gulai Kambing Archived 2014-03-21 di Wayback Machine.

[1] "Resep Gulai Ayam" Archived 2016-06-21 di Wayback Machine..

[2] Lilly T. Erwin.

[JP-Padang-3] Donny Syofyan (24 November 2013). "By the way ... I just can't live without Padang food". The Jakarta Post.

[4] "Resepi Gulai Telur Itik". MyResipi. Diarsipkan dari versi asli tanggal May 31, 2014. Diakses tanggal May 31, 2014.

[5] "Gulai Kambing". Kompas.com. August 17, 2008. Diakses tanggal May 31, 2014.

[1]

[2]

[3]

[4]

[5]