Меѓународната Вселенска Станица сликана од вселенското летало Атлантис на 19 јуни 2007 година
Меѓународна вселенска станица или ММС (англиски: International Space Station, ISS; руски: Международная космическая станция, МКС ) — прва вселенска станица изградена од страна на повеќе држави преку нивна меѓународна соработка. Моментално ја сочинуваат 6 главни модули (по завршувањето на изградбата треба да ги има 16) и овозможува престој на 3 членови на постојаниот екипаж (од 2008 година постојаниот екипаж на станицата треба да го сочинуваат 6 членови). Првите модули на станицата беа лансирани на орбитата и меѓусебно повразни во 1998 година. Првиот постојан екипаж во станицата пристигна во 2000 година. Извор на енергија за МВС се сончевите колектори, а за транспорт на луѓе и материјали до станицата се користат американските вселенски леталаСпејс Шатли(Space Shuttle) преку проектот СТС (Space Transportation System - Вселенски Транспортен Систем) како и руските вселенски летала Сојуз и Прогрес.
