Панагија
Панагија[1][2] (енколпион) — дел од епископската облека. Тоа е мала икона, претежно со кружен облик, изработена од емајл, сребро и злато на која е претставена (однатре) Богородица со малиот Христос во рацете, а од другата страна Исус Христос или Света Троица во форма на три ангели - како гостопримството на Авраам. Претходно била изработувана во форма на диптих.
Панагијата ја носи епископот на градите, како трајно потсетување на својот долг во срцето да го носи Господа и да верува во застапувањето на Неговата Пресвета Мајка. Панагија на грчки (Παναγία) значи Сесвета.