Bliesticken
En Bliesticken is een Reedschop to’n Schrieven. Dat is een hölten Griffel, de in de Mitt een Mine ut Graphit hett. Fröher wer disse Mine woll mol ut Blie un so hett de Sticken sien Nomen weg hat.
To’n Gebruuk ward de Bliesticken jümmer anspitzt un dormit hett’n ok jümmer ’n fienen Streek. Bruukt ward een Bliesticken bi allet Schrieven up Popier, alle Teiknungen ward toerst mol mit’n Bliesticken mookt un de Holthandwarkers wie Discher un Timmermann mookt all eer Streken (se nöömt se Risse) op Holt blots mit Bliesticken.
In’e Butenform gifft dat runne, sösseckige un ovole Sticken.
Dat inwennige Graphit is ünnerscheidlik week oder hatt un ward so beteikend: B (B - 9B) steiht för week, HB un F steiht för middel, H (H - 9H) steiht för hatt.
