Eugene Francis Fama
![](https://upload.wikimedia.org/wikipedia/commons/thumb/a/a3/Eugene_Fama_winning_Morgan_Stanley_Prize.jpg/220px-Eugene_Fama_winning_Morgan_Stanley_Prize.jpg)
Eugene Francis Fama (* 14. Februar 1939 in Boston) is en US-amerikaansch Wertschapswetenschapler, de inflootriek Bidrääg to de Portfoliotheorie utarbeit hett. He kreeg 2013 den Nobelpries för Wertschapswetenschapen.
Leven un Wark
[ännern | Bornkood ännern]Fama studeer Romaansch Spraken un kreeg 1960 den Bachelor an de Tufts University. Dornah wessel he an de Graduate School of Business vun de University of Chicago, wo he 1963 sien MBA maken dee un 1964 mit de Arbeit The Behavior of Stock Market Prices sien Doktertitel (Ph. D.) kreeg.[1] Sien Doktorvader weer Benoît Mandelbrot. Fama weer dor Assistentperfesser (1963–65), außerordentlich Perfesser (1966–68), Perfesse (1968–73), Theodore-O.-Yntema-Perfesser (1973–84), Theodore-O.-Yntema-Distinguished-Service-Perfesser (1984–93) un is siet 1993 Robert-R.-McCormick-Distinguished-Service-Perfesser för Wertschapswetenschapen. Sien Tiet in Chicago wurr blots ünnerbraken dör Gastprofessuren an de Katholieke Universiteit Leuven (1975–76) un de University of California, Los Angeles (1982–95 immer in' Winter).
All in sien Dissertatschoon hett Fama versöcht, dortostellen, dat Aktienkurse nich vörherseggt wurrn könnt, sonnern Tofallsbewegungen ünnerliggen.[1] Later hett he sowohl theoretisch as ok empirisch up de Rebeeden vun de Portfoliotheorie un Priesbillen arbeit. 1970 hett he den Begreep Effizienzmarkthypothese präägt.[2]
In de 1990er Johren schreev he tosommen mit Kenneth French en Reeg vun Upsatzen, de de Gültigkeit vun dat Capital Asset Pricing Model (CAPM) in Fraag stellen deen. Dit Modell beseggt, dat eenzig dat Beta as aktienspezifische Variable en Infloot up de to verwachten Rendite vun de Aktie hett. In hör Upsatzen wiesen de beid Schrievers dorup hen, dat neben dat Beta vun de Aktie ok noch Faktoren as Marktkapitalisierung un dat Verhältnis vun Book- un Marktwert vun dat Eegenkapital Infloot up de to verwachten Rendite vun de Aktie hemm.[3] Disse Ergevnisse hebbt to en Wiedermaken vun dat Capital Asset Pricing Model to'n Fama-French-Dreefaktorenmodell führt.[4]
An' 14. Oktober 2013 wurr bekanntgeven, dat Eugene Fama mit den vun de sweedsch Rieksbank in Erinnerung an Alfred Nobel stift Pries för Wertschapswetenschapen ehrt wurr (gemeensam mit Robert James Shiller un Lars Peter Hansen).
Fama is verheiraadt un hett veer Kinner. To sien Hobbys hörrn Windsurfen, Golf, Tennis, Radsport, olt Filme un Oper.
Veröffentlichungen
[ännern | Bornkood ännern]Fama hett rund 100 Upsatzen un twee Böker schreven:
- mit Merton Howard Miller: The Theory of Finance. Holt, Rinehart & Winston, New York [u. a.] 1972, ISBN 0-03-086732-0
- Foundations of Finance. Portfolio decisions and securities prices. Basic Books, New York 1976, ISBN 0-465-02499-8
Ehrungen
[ännern | Bornkood ännern]- 1982 Chaire Francqui (Francqui-Stiftung, Belgien)
- 1987 Doctor of Law (University of Rochester)
- 1989 Doctor of Law (DePaul University)
- 1992 Smith-Breeden-Pries (för de beste Arbeit in dat Journal of Finance 1992: mit Kenneth Ronald French: The Cross-Section of Expected Stock Returns. In: Journal of Finance. Band 47, Juni 1992, S. 427–465.)
- 1998 Fama-DFA-Pries (för de best Veröffentlichung to dat Thema Kapitalmarkt un Priesbillen in dat Journal of Financial Economics 1998: Market Efficiency Long-Term Returns and Behavioral Finance. In: Journal of Financial Economics. Band 49, Heft 3, September 1998, S. 283–306. De Pries is nah hüm nömmt, wiel he de Herutgever vun de Tietschrift is.)
- 2001 tweet Platz vun den Jensen-Pries (för den besten Upsatz to Corporate Finance un Organisatschonen in dat Journal of Financial Economics 2001: mit Kenneth Ronald French: Disappearing Dividends. Changing Firm Characteristics or Lower Propensity to Pay. In: Journal of Financial Economics. Band 60, Heft 3, April 2001, S. 3–43.)
- 2005 Deutsche Bank Prize in Financial Economics
- 2006 Nicholas Molodovsky Award (CFA Institute)
- 2007 CME Fred Arditti Innovation Award (Chicago Mercantile Exchange)
- Ehrendokter: 1995 Katholische Universität Löwen, 2002 Tufts University
- 2013: Nobelpries för Wertschapswetenschapen (mit Lars Peter Hansen un Robert Shiller)
Liddmaat in/bi
[ännern | Bornkood ännern]- Phi Beta Kappa, Tufts University
- Omicron Chi Epsilon, Tufts University
- Beta Gamma Sigma, University of Chicago
- 1989 Econometric Society
- 1989 American Academy of Arts and Sciences
- 2001 korrespondeeren Liddmaat vun de Académie des Sciences Morales et Politiques, section Économie, politique, statistique et finance.
- 2001 American Finance Association
- American Economic Association
Enkeld Nahwiesen
[ännern | Bornkood ännern]- ↑ a b Eugene F. Fama: The Behavior of Stock Market Prices. In: Journal of Business. January 1965, S. 34–105. En vereenfacht Version find sück as: Random Walks in Stock Market Prices (PDF-Datei; 603 kB). In: The Financial Analysts Journal. September/Oktober 1965, S. 55–59
- ↑ Eugene Fama: Efficient Capital Markets. A Review of Theory and Empirical Work. In: Journal of Finance. Band 25, Heft 2, 1970, S. 383–417; kiek ok Eugene Fama: Efficient Capital Markets II. In. Journal of Finance. Band 46, Heft 5, 1991, S. 1575–1617 un Eugene Fama: Market efficiency, long-term returns, and behavioral finance. In: Journal of Financial Economics. Band 49, 1998, S. 283–306.
- ↑ Eugene F. Fama, Kenneth R. French, 1992, The Cross-Section of Expected Stock Returns, Journal of Finance, volume 47, Nr. 2, Sieden 427–465, doi 10.2307/2329112
- ↑ Eugene F. Fama, Kenneth R. French, 1993, Common Risk Factors in the Returns on Stocks and Bonds, Journal of Financial Economics, volume 33, Nr. 2, Sieden 3–56 doi 10.1016/0304-405X(93)90023-5
Literatur
[ännern | Bornkood ännern]- Mark Blaug (Hrsg.): Who's who in economics. 4. Uplaag, Elgar, Cheltenham [u. a.] 1999, S. 242–243, ISBN 1-85898-886-1
Weblenken
[ännern | Bornkood ännern]- Eugene Francis Fama up de Siet vun de Chicago Booth School of Business
- Rational Irrationality. Interview in The New Yorker. Januar 2010