Findörp (Düvelsmoor)
Wapen/Flagg | Koort | |
---|---|---|
| ||
Basisdaten | ||
Flach: | 5,35 km² | |
Inwahners: | 366 ( | 31. Dezember 2011)|
Inwahnerdicht: | 68,4 Inwahners pro km² | |
Postleettall: | 21706 | |
Vörwahl: | 04148 | |
Geograafsche Laag: | Koordinaten:53° 21′ N, 8° 59′ O53° 21′ N, 8° 59′ O | |
![]() | ||
Findörp (hoochdüütsch Findorf) is en Dörp in de Gemeen Gnarrenborg in’n Landkreis Rodenborg, Neddersassen.
Geografie
[ännern | Bornkood ännern]Findörp liggt in’t Düvelsmoor.
De Naveröörd sünd Dahldörp, Gnarrenborg un Barkhusen in’n Noorden, Koarlshöm in’n Oosten, Noordsood in’n Süden un Kuhstermoor in’n Westen.
Historie
[ännern | Bornkood ännern]Findörp is 1781 as Moorkolonie in’t Düvelsmoor grünnt worrn un hett sien Naam von’n Moorkolonisator Jürgen Christian Findörp. De Kolonie harr 1781 19 Buursteden to 60 Morgen (15 Hektar). Dat Dörp leeg as Stratendörp langs den Oost-Hamm-Kanaal. Findörp leeg op’t Oostöver von’n Kanaal, de Hüüs op’t Westöver hebbt as Kolheim en egen Oort billt. 1830 hebbt se na Oosten to in en twete Reeg noch wedder en poor ne’e Buursteden utwiest un Findörp is noch wat wussen. Disse ne’e Deel hett denn Oberfindörp heten.
Findörp is an’n 1. April 1929 mit de Gemeen Kolheim tohoopleggt worrn. De ne’e Gemeen hett denn ok Findörp heten. An’n 8. April 1974 bi de Gemeenreform in Neddersassen mit de Gemeen Gnarrenborg tohoopleggt worrn.
Inwahnertall
[ännern | Bornkood ännern]Johr | Inwahners |
---|---|
[1] | 182418 Füürsteden |
[2] | 1848164 Lüüd, 20 Hüüs |
[3] | 1. Dezember 1910246 |
[4] | 1925223 |
[4] | 1933318 |
[4] | 1939295 |
31. Dezember 2005 | 359 |
31. Dezember 2008 | 356 |
[5] | 31. Dezember 2011366 |
Religion
[ännern | Bornkood ännern]Findörp is evangeelsch-luthersch präägt un höört to dat Kaspel von de Paulus-Kark in Gnarrenborg.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Börgermeesters/Oortsvörstänn
[ännern | Bornkood ännern]Börgermeester:
- ~1949: Homburg
Oortsvörsteihers:
- Helmut Kück
- opstunns: Stefan Prüß
Wapen
[ännern | Bornkood ännern]Dat Wapen von Findörp wiest op grönen Grund en sülvern Neddersassenhuus mit gollen Dack. Op de Sieden von dat Huus sünd twee sülvern Kleverbläder to sehn un vör dat Huus en veerdeelt Wapenschild.
Kultur
[ännern | Bornkood ännern]Verenen
[ännern | Bornkood ännern]De Schützenvereen Findörp is 1920 grünnt worrn un de Freewillige Füürwehr 1947.
Infrastruktur
[ännern | Bornkood ännern]Verkehr
[ännern | Bornkood ännern]Findörp liggt an de Kreisstraat 102 (Findörper Straat), de an’t Oostöver von’n Oost-Hamm-Kanaal in’n Süden na Noordsood an de Landsstraat 165 ran geiht un in’n Noorden Ansluss an de L 122 na Gnarrenborg hett un ans meist kumplett liekut dör’t Düvelsmoor löppt bet na Bremervöör. An’t Westöver von’n Kanaal löppt de Kolheimer Straat parallel. Findörper un Kolheimer Straat sünd dör alltohoop dree Autobrüggen un acht Footgängerbrüggen verbunnen. In’n Süden von Findörp geiht de Gummistraat af, de den Oort mit Kuhstermoor verbinnen deit. In’e Midd von Findörp geiht de Dahldörper Straat af, de na Dahldörp löppt.
De nächste Bahnhoff is de Bahnhoff Olenbüttel an de Bahnlien Bremen-Bremerhoben, de so 19 Kilometer weg is.
Scholen
[ännern | Bornkood ännern]In de eerste Tied, nadem de Oort grünnt worrn is, sünd de Kinner na Gnarrenborg na School gahn. Later hett Findörp denn aver sien egen School kregen. Wohrschienlich hett dat toeerst in de Johren 1790 en Schoolmeester in Findörp/Kolheim geven. Den eersten Nawies för en School gifft dat von 1804, as de Schoolmeester Otto Blanken doodbleven is. Sien Nafolger Martin Wellbrock hett noch bet 1830 de School in sien egen Huus afhollen, denn hebbt de beiden Öörd dat eerste Schoolhuus kregen.
1863 un 1897 is dat Schoolhuus denn noch wedder ut- un ümboot worrn. Von 1898 af an harr de School denn twee Schoolmeesters.
An’n 21. Januar 1946 is de School denn dör en Schosteenbrand afbrennt. Dree Johr lang weer de School denn in en Barack ünnerbröcht, de bi de Muna in Heesdörp afbraken un in Findörp wedder opboot worrn weer. 1950 weer denn dat ne’e Schoolhuus trech.
An’n 1. Dezember 1966 hett de School denn kumplett dicht maakt un de Kinner müssen na Gnarrenborg na School gahn. Von 1973 af an weer denn as Grundschool de School in Koarlshöm tostännig un denn eerst kemen de Kinner na Gnarrenborg.
Footnoten
[ännern | Bornkood ännern]- ↑ C. H. Jansen: Statistisches Handbuch des Königreichs Hannover. 1824, Sied 186: http://books.google.de/books?id=tG0AAAAAcAAJ&pg=PA186
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm
- ↑ a b c http://www.verwaltungsgeschichte.de/bremervoerde.html
- ↑ http://www.gnarrenburg.de/default.cfm?mid=32744
Weblenken
[ännern | Bornkood ännern]![](https://upload.wikimedia.org/wikipedia/commons/thumb/4/4a/Commons-logo.svg/20px-Commons-logo.svg.png)
- Websteed to dat Dörp (hoochdüütsch)
Augustendorp | Barkhusen | Brillit | Findörp | Fohrendörp | Glinst | Gnarrenborg | Klenkendörp | Korlshöben | Kuhs | Kuhstermoor | Langenhusen