Gemeen Harsfeld

Wapen/Flagg

Koort

Basisdaten

Bundsland: Neddersassen

51,81 km²

14.696 (31. Dezember 2022)

38 m över de See

21698

04163, 04164

Koordinaten:53° 27′ N, 9° 30′ O53° 27′ N, 9° 30′ O

Grenzen bi OSM:

446428

Gemeenslötel:

03 3 59 023

Börgermeester:

Michael Ospalski

Websteed:

www.harsefeld.de

Koort

Kreis

Harsfeld (hoochdüütsch Harsefeld) is en Gemeen in de Samtgemeen Harsfeld in’n Landkreis Stood in Neddersassen mit 14.696 Inwahners (Stand 31. Dezember 2022). De histoorsche Begreep Flecken is offiziell Deel von’n Naam von de Gemeen.

Hauptoort von de Gemeen is Harsfeld (mit de Oortsdelen Griemshorst un Wittenfell). Tosätzlich höört dor ok de Dörper Hollenbeek (mit Lütt Hollenbeek), Issendörp un Ruschwedel mit to.

Geografie

De Gemeen liggt op de Zevener Geest. In’n Noorden flütt de Au dör de Gemeen.

De Navergemenen sünd Deinst in’n Noorden, Hornborg un Bliersdörp in’n Noordoosten, Obbens in’n Oosten, Sounsiek in’n Süüdoosten, Ohlers in’n Süüdwesten un Bargst in’n Noordwesten.

Historie

De Gemeen Harsfeld is mit de Gemeenreform in Neddersassen an’n 1. Juli 1972 ut de olen Gemenen Harsfeld, Hollenbeek, Issendörp un Ruschwedel tohoopleggt worrn. Harsfeld, Issendörp un Ruschwedel weren al vörher in de ole Samtgemeen Harsfeld tohoopslaten. Siet 1972 is de Gemeen Deel von de ne’e Samtgemeen Harsfeld.

Inwahnertall

Johr	Inwahners
1972-12-3131. Dezember 1972^[1]	6.785
1977-12-3131. Dezember 1977^[1]	7.798
1982-12-3131. Dezember 1982^[1]	8.333
1987-12-3131. Dezember 1987^[1]	8.709
1992-12-3131. Dezember 1992^[1]	9.609
1997-12-3131. Dezember 1997^[1]	10.549
2002-12-3131. Dezember 2002^[1]	12.255
2007-12-3131. Dezember 2007^[1]	12.332
2012-12-3131. Dezember 2012^[1]	12.170

Politik

Gemeenraad

Gemeenraad
Johr \ Partei	Tall	CDU	SPD	FW	FDP	Gröne	NPD	PdV	Linke	ALFA
2006	29	12	9	5		2	1
2011	29	9	9	5	1	4		1
2016	31	7	11	7		2	1		1	2

Liddmaten:

2016:
CDU: Marina Courte, Jürgen Deden, Melanie Mohnen, Sigrid Müller, Markus Nitt, Hans-Joachim Pankel, Torben Vagts

SPD: Erwin Cordes, Michael Janowski, Heiko Kania, Harald Koetzing, Florian Kunze, Cordelie Lüllmann, Reinhard Oelkers, Michael Ospalski (Mandaat an’n 5. Januar 2019 dalleggt), Erwin Schiller, Heiko Sudwischer, Andrea Truchel

FW: Susanne De Bruijn, Martin Engelmann, Marina Hoffmann, Gisela Kuzniak, Carsten Rost, Martin Schimmöller, Svenja Schmahl

Gröne: Hartwig Holthusen, Ralf Poppe

Linke: Randy Orlovius

NPD: Denny Naterski

ALFA (Partei hett sik kort na de Wahl ümdöfft op LKR): Dieter Bäurle, Jens Paulsen

Börgermeesters

Tied	Naam	Partei
1. Juli 1972–	Hans Günther Hellweeg	CDU
–2004	Hans-Hinrich Meibohm	CDU
2004–31. Oktober 2011	Friedrich Dammann	CDU
1. November 2011–5. Januar 2019	Michael Ospalski	SPD
31. Januar 2019–	Harald Koetzing	SPD

Gemeendirekters

Tied	Naam
1995–	Rainer Schlichtmann

Wapen

Dat Wapen von Harsfeld wiest op sülvern Grund ünner blauen Schildkopp mit dree gollen Rosen op un över en blauen Schildfoot mit twee gollen Rosen op en swarten Ridder op en swart Peerd mit gollen Toom, de den Arm mit Sweert hoogböhrt.

Na de Gemeenreform 1972 hett de ne’e Gemeen Harsfeld düt Wapen von de ole Gemeen Harsfeld övernahmen.

De Klören von de Gemeen sünd blau un witt.^[2]

Partnerschoppen

Harsfeld hett siet 1966 en Partnerschop to drüdd mit de Öörd Asfeld un Vieux-lès-Asfeld un denn noch en Fründschop mit Feldbarg.

Ehrenbörgers

Harsfeld hett een Ehrenbörger:

siet 1. September 2018: Gustav Viebrock, Grünner von dat Ünnernehmen Viebrockhaus

Footnoten

↑ ^a ^b ^c ^d ^e ^f ^g ^h ⁱ http://www.nls.niedersachsen.de/
↑ Hauptsatzung

Weblenken

Gemeen Harsfeld. Mehr Biller, Videos oder Audiodateien to’t Thema gifft dat bi Wikimedia Commons.

Websteed von de Gemeen (hoochdüütsch)

Städer un Gemenen in’n Landkreis Stood

[LSKN-1] ↑ ^a ^b ^c ^d ^e ^f ^g ^h ⁱ http://www.nls.niedersachsen.de/

[Hauptsatzung-2] Hauptsatzung

[1]

[2]