Ohrensfluchtermoor

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Öberndörp
Inwahners:
Geograafsche Laag:	53° 43′ N, 9° 7′ O

Ohrensfluchtermoor (hoochdüütsch Ahrensfluchtermoor) is en Dörp in de Gemeen Öberndörp (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Öberndörp mit bi.

Geografie

De Naveröörd sünd Ohrensflucht un Ohrensfluchterdiek in’n Noordoosten, Hemm in’n Oosten, Hemmoor un Westersood in’n Süden, Wittenmoor mit Gätjensohren in’n Westen un Dobrook mit Harmsdaal un Schinkel in’n Noordwesten.

Historie

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

An’n 1. Januar 1972 is en Deel von Ohrensfluchtermoor mit üm un bi 50 Inwahners von de Gemeen Öberndörp an de Gemeen Hemmoor un dor in’n Oortsdeel Ooldhemmoor wesselt.

Inwahnertall

Johr	Inwahners
1848-00-001848	103 Lüüd, 16 Hüüs
1871-12-011. Dezember 1871	135 Lüüd, 18 Hüüs

Religion

Ohrensfluchtermoor is evangeelsch-luthersch präägt un höört to dat Kaspel von de Georg-Kark in Öberndörp.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Kultur

Verenen

De Schüttenvereen Ohrensfluchtermoor-Hemmoor is 1902 grünnt worrn.

Weertschop un Infrastruktur

Verkehr

Dör Ohrensfluchtermoor löppt de Bundsstraat 73, de in’n Noorden över Kumbarg un Oterndörp na Cuxhoben geiht un in’n Süden över Hemmoor/Warstood/Basbeek un Himmelpoorten na Stood. In’n Noordoosten geiht de Swarte Weg na Ohrensflucht.

De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 33 Kilometer in’n Süüdoosten von Ohrensfluchtermoor.

De nächste Bahnhoff is so bi veer Kilometer wied weg in’n Noorden de Bahnhoff Wingst an de Nedderelvbahn.

Lüüd

De plattdüütsche Schrieversche Meta Grube is 1908 in Ohrensfluchtermoor boren.