Korsika

Korsika (korsikansk og italiensk Corsica, fransk Corse) er ei øy i Middelhavet som høyrer til Frankrike. Øya ligg vest for Italia, søraust for kontinental-Frankrike (170 km sør for Nice) og nord for Sardinia. Ho er den fjerde største øya i Middelhavet. Korsika er ein del av Frankrike og er kjend som Napoleon Bonaparte sin fødestad. På Korsika snakkar dei korsikansk, som vert klassifisert anten som eit eige språk, eller som ein dialekt av italiensk.

Korsika
Corse, Corsica
region
Symbol
Land	Frankrike
Del av	Q88521123
Hovudstad	Ajaccio
Areal	8 680 km²
Folketal	347 597 (1. januar 2021)
Korsika 42.15°N 9.0833333333333°E / 42.15; 9.0833333333333
Wikimedia Commons: Corsica

Frå byrjinga av 2000-talet har Korsika fått auka intresse som turistmål.

Geografi

Politisk er Korsika ein region i Frankrike, oppdelt i to departement, sjølv om det finst dei som vil ha ei meir frittståande stilling i Frankrike. Den ytterleggåande nasjonalistiske grupperinga FLNC har òg brukt politisk vald for å oppnå større sjølvstyre for Korsika. Øya har nesten 280 000 innbyggjarar, og eit areal på 8 682 km².

Korsika består for ein stor del av fjell, det høgaste er Monte Cintu (2 710 m). På øya finst ein naturleg park (Parc Naturel Régional de Corse) med tusentals sjeldne dyre- og planteartar. Parken vart grunnlagt i 1972 og omfattar Golfe de Porto, Scandola naturreservat (frå 1983 verdsarv) og nokre av øyas høgaste toppar. På skrå over øya, frå nordvest til søraust, går ein vandringsveg Grand Route 20. Ruta er 20 mil lang og går frå Calenzana nær Calvi til Conca i nærleiken av Porto-Veccio. Den franske framandlegionen har ein garnison i fjella.

Turismen på Korsika er trass i at øya ligg i Middelhavet relativt begrensa og framfor alt konsentrert til området kring byane Calvi og L'Ile Rousse på nordkysten.

Byar

Større byar: (korsikanske namn)

• Ajaccio (Aiacciu)
• Bastia (Bastia)
• Corte (Corti)
• Sartene (Sartè)

Andre byar:

• Saint-Florent (San Fiurenzu)
• Calvi (Calvi)
• Porto-Vecchio (Porti Vechju)
• Bonifacio (Bunifaziu)

Kjelder

• Denne artikkelen bygger på «Korsika» frå Wikipedia på svensk, den 11. februar 2006.

Bakgrunnsstoff

Commons har multimedium som gjeld: Korsika

• Offisiell nettstad