Dovre kommune
Treng oppdatering |
Dovre kommune | |||
kommune | |||
|
|||
Land | ![]() | ||
---|---|---|---|
Fylke | Innlandet | ||
Adm.senter | Dovre | ||
Areal | 1 364 km² | ||
• land | 1 352 km² | ||
• vatn | 12 km² | ||
Folketal | 2 503 (1. januar 2024) | ||
Målform | nøytral | ||
Ordførar | Astrid Skomakerstuen Ruste[1] (Ap) | ||
Kommunenr. | 3431 | ||
![]() Dovre kommune 62°02′06″N 9°28′03″E / 62.035°N 9.4675°E | |||
Wikimedia Commons: Dovre | |||
Nettstad: www.dovre.kommune.no |
Dovre kommune ligg nord i Gudbrandsdalen i Innlandet fylke og grensar i vest til Lesja kommune, i sør til Vågå og Sel, i aust til Folldal i Hedmark og i nord til Oppdal i Sør-Trøndelag. Store delar av kommunen ligg høgt over havet og inkluderer Snøhetta og nordlege delar av Rondane. I kommunen ligg det to kjente fjell; Snøhetta og Rondeslottet. Den mest kjente innsjøen er Vålåsjøen på Dovrefjell.
Dei to viktigaste tettstadene er Dovre og Dombås. I tillegg kjem Dovreskogen. Kommunesenteret ligg på tettstaden Dovre, medan kommunikasjonsknutepunktet er Dombås. Her skil trafikken mot Trøndelag og Møre og Romsdal lag.
Kommunen er kjend for eit rikt plante og dyreliv. Delar av kommunen inngår i tre nasjonalparkar: Dovrefjell-Sunndalsfjella nasjonalpark, Rondane Nasjonalpark og Dovre nasjonalpark.
Hovudnæringane i kommunen er landbruk, reiseliv, handel og service.
Geografi
[endre | endre wikiteksten]![](https://upload.wikimedia.org/wikipedia/commons/thumb/d/d3/Dovre_stasjon_1.jpg/220px-Dovre_stasjon_1.jpg)
Gjennom kommunen renn Gudbrandsdalslågen. Delar av kommunen inngår i tre nasjonalparkar: Dovrefjell-Sunndalsfjella nasjonalpark, Rondane Nasjonalpark og Dovre nasjonalpark. I kommunen ligg det 2 kjente fjell; Snøhetta og Rondeslottet. Den mest kjente innsjøen er Vålåsjøen på Dovrefjell.
Dyre- og planteliv
[endre | endre wikiteksten]Kommunen er kjent for eit rikt plante- og dyreliv. Spesielt kan nemnast moskusen som òg er avbilda i kommunevåpenet. Det er òg bestandar av villrein og jerv i kommunen. Fokstumyrene er internasjonalt kjent for sitt rike fugleliv. Planta mogop er avbilda i fylkesvåpenet for Oppland.
Klima
[endre | endre wikiteksten]Dovre har innlandsklima med lite nedbør, kalde vintrar og relativt kjølige somrar grunna kommunens høgd over havet. Det er betydelege skilnader mellom dag- og nattetemperaturen i sommarhalvåret. Normalverdiar for perioden 1961−1990 er gitt i tabellen nedanfor.
Normalar for Dombås (645 moh.)[2] | Jan | Feb | Mar | Apr | Mai | Jun | Jul | Aug | Sep | Okt | Nov | Des | År |
---|---|---|---|---|---|---|---|---|---|---|---|---|---|
Temperaturnormal (°C) | −9,4 | −8,2 | −4,3 | 0,3 | 6,5 | 10,7 | 12,0 | 11,1 | 6,6 | 2,2 | −4,3 | −7,7 | 1,3 |
Nedbør (mm) | 33 | 25 | 23 | 14 | 27 | 51 | 57 | 49 | 40 | 43 | 35 | 33 | 430 |
Dovre har noregsrekorden for lågaste registrerte årsnedbør. På Hjerkinn blei det i 1914 målt så lite som 65 mm nedbør.
Historie
[endre | endre wikiteksten]Kommunen låg i Oppland fylke fram til 2020.
Kommunikasjonar
[endre | endre wikiteksten]Dombås er kommunikasjonsknutepunktet. Her startar Raumabana som går ned til Åndalsnes. Dovrebana går sørover til Oslo og nordover til Trondheim. På Dombås tar E-136 av frå E-6. I kommunen ligg det fleire historiske skysstasjonar; Hjerkinn, Fokstua, Lie seinare flytta til Dombås, Tofte seinare flytta til Toftemo og Dovreskogen seinare flytta til Brennhaugen.
Næringsliv
[endre | endre wikiteksten]Landbruket og tilknytte næringar er viktige i Dovre, der ein hovudsakleg driv med grasbasert husdyrhald. Reiseliv er òg ei viktig næring i kommunen, som mellom anna satsar på moskussafari. Trafikknutepunktet Dombås sysselset fleire i servicenæringar. Av industri har Dovre ysteri, møbelfabrikk og skiferproduksjon. Mellom 1968 og 1993 dreiv Folldal Gruver gruvedrift i Tverrfjellet på Hjerkinn. Avisa Vigga er lokalavis for Dovre og Lesja kommunar.
Utdanning
[endre | endre wikiteksten]Dovre har to barneskular, Dovre skule og Dombås skule. Den einaste ungdomsskulen, Dovre ungdomsskule er samlokalisert med Nord-Gudbrandsdal vidaregåande skule på Dombås. Den vidaregåande skulen tilbyr berre studiespesialisering her. Hjerleid skole og håndverkssenter på Dovre har vidaregåande, landsfemnande utdanningar i treskjering, smiing og andre tradisjonshandverk. Tidlegare var det også offentleg vidaregåande utdanning på Hjerleid i mellom anna landbruksmekanikk, bygg og studiespesialisering. På Dombås ligg leirskulen Dovre fjellskole.
Kommunevåpen
[endre | endre wikiteksten]Moskusen er eit sentralt symbol for kommunen, og inngår i kommunevåpenet. Han representerer styrke, byrgskap og sjølvrådigskap, og refererer til den faste, ville moskusstammen i kommunen.
Kjente dovringar
[endre | endre wikiteksten]- Hans L. Bergseng, treskjerar
- Sigurd Einbu, astronom busett på Dombås
- Ragnar Solberg, diktar fødd og busett på Fokstua
- Anita Killi, animatør og filmskapar busett i Dovre
- Åse Thoresen, songar
- Børt-Erik Thoresen, songar og fjernsynsmann
- Eli Hagen, lokalpolitikar i FrP
Kjelder
[endre | endre wikiteksten]- ↑ Ap får ordfører i Dovre. NRK. Besøkt 15. november 2019
- ↑ eklima.no
Bakgrunnsstoff
[endre | endre wikiteksten]- Dovre kommune
- Informasjon om Gudbrandsdalen Arkivert 2016-11-14 ved Wayback Machine.
- Kultur i Dovre på kart fra Kulturnett.no