Kaftan
![](https://upload.wikimedia.org/wikipedia/commons/thumb/8/8d/COLLECTIE_TROPENMUSEUM_Gekleurde_vrouwenoverkleed_van_brokaat_TMnr_3782-768.jpg/220px-COLLECTIE_TROPENMUSEUM_Gekleurde_vrouwenoverkleed_van_brokaat_TMnr_3782-768.jpg)
Kaftan (av farsi خفتان, khaftân) er ein fotsid frakk eller kjortel med vide erme. Kaftan vert brukt som overplagg for menn og er tradisjonelt boren i Tyrkia, Midtausten og Sentral-Asia.
![](https://upload.wikimedia.org/wikipedia/commons/thumb/f/f7/Jewish_Children_with_their_Teacher_in_Samarkand_cropped.jpg/220px-Jewish_Children_with_their_Teacher_in_Samarkand_cropped.jpg)
Kaftanar kan vere heile framme eller utstyrde med opning og knappar. Det er ingen reglar for val av stoff eller fargar, og plagga kan vere rikt dekorerte og også fôra med pelsverk. Plagget har vore vanleg blant tyrkarar, mongolar, tartarar og ortodokse jødar, til dømes i Russland og Polen. Kaftanar av ulike typar har også vorte borne i Syria, Egypt og India.
Ordet kofte, som på norsk i dag særleg vert brukt om strikkejakker, bunadsfrakkar eller sametrøyer, kan stamme frå ordet kaftan.[1] I Sverige og andre stader har lange prestekjolar med vide erme vorte kalla kaftanar.[2] Nemninga vert også brukt om andre plagg med liknande snitt, til dømes den vietnamesiske kvinnekjolen ao-dai.
Sjå òg
[endre | endre wikiteksten]Kjelder
[endre | endre wikiteksten]- «Kaftan» på Wikipedia på bokmål og riksmål, innhenta 26. november 2009.