Stabæk Fotball
Fullt namn | Stabæk Fotball | ||
---|---|---|---|
Kallenamn | De Blaa | ||
Grunnlagd | 16. mars 1912 | ||
Heimebane | Nadderud stadion (kapasitet: 7 000) | ||
Hovudtrenar | Jan Jönsson | ||
Supporterklubb | Stabæk Support | ||
Liga | Eliteserien | ||
| |||
![]() |
Stabæk Fotball (stifta 16. mars 1912) er eit fotballag frå Bærum som spelar i Eliteserien (2020). Blant merittane til klubben finst eitt seriegull (2008), éin sølvmedalje (2007) og tre bronsemedaljar i Tippeligaen, eitt NM-gull frå 1998 og eitt NM-sølv frå 2008 og eitt superfinalegull frå 2009.
Frå og med 2009 har Stabæk òg eit kvinnefotballag i toppen, etter at Asker Skiklubbs fotballag, Asker Fotball Kvinner vart innlemma i klubben, under namnet Stabæk Fotball Kvinner.
Spelarstall
[endre | endre wikiteksten]Note: Flagga viser til landslaget som spelaren kan spela for, som definert av FIFA sine reglar. Spelarane kan ha fleire nasjonalitetar i annan forstand.
|
|
Dette avsnittet vart sist endra 10. juni 2020.[1]
Historie
[endre | endre wikiteksten]Stabæk IF vart stifta i Løkkeveien 24 i Bærum i 1912. Stabæk er blitt kalla ein oskeladd i norsk toppfotball. Ei gruppe visjonære leiarar, mellom anna Ingebrigt Steen Jensen og Peder Stian Madsen, bestemte seg på slutten av 1980-talet for å gjere Stabæk til ei stormakt i norsk fotball, under mottoet «Ullevaal 95». Namnet synte til at ein skulle spele cupfinale i 1995. Laget gjekk raskt frå 4. divisjon til Tippeligaen, og debuterte der i 1995. Noko cupfinale vart det ikkje det året, men i 1998, då Rosenborg vart slått 3–1 etter ekstraomgangar. Thomas Finstad og Helgi Siggurdson scora eitt mål kvar i ekstraomgangane.
Etter å ha rykt ned i 2004, vann Stabæk 1. divisjon og rykte dermed opp igjen til Tippeligaen i 2005. I 2006 kom dei på femte plass i Tippeligaen og Daniel Nannskog vart toppscorar i ligaen. Året etter tok klubben sølv, bak Brann som vann.
Stabæk vann Tippeligaen 2008 og tok sitt første seriegull ved å slå Brann 1-2 på Brann stadion i Bergen. Gullet vart feira etter 6-2-sigeren mot Vålerenga på eit fullstappa Nadderud stadion i nest siste serierunde. Dette var planlagt å vere den siste kampen til klubben på Nadderud stadion; heretter skulle klubben spele på nye Fornebu stadion, som etter ein avtale med Telenor vart heitande Telenor Arena. Sesongen vart avslutta med NM-sølv etter tap for Vålerenga i finalen på Ullevaal stadion. I 2009 byrja Stabæk sesongen med å vinne nok ein tittel ved å slå Vålerenga 3-1 i superfinalen rett før seriestart i Telenor Arena. Sesongen byrja langt dårlegare i serien, der Stabæk låg på nest siste plass med sju poeng etter åtte rundar. Tre rundar seinare, borte mot Aalesund FK, kom det absolutte botnpunktet prestasjonsmessig, noko som skulle vise seg å markere starten på ein lang opptur, - ein opptur som sendte Stabæk inn i sølvstriden mot Molde, og til slutt gav bronse. 2010-sesongen enda med ein historisk svak 12. plass, Stabæks dårlegaste plassering sidan nedrykksåret 2004. Sesongen var prega av skadar samt utryggleik rundt trenarsituasjonen. 2012-sesongen enda med at Stabæk rykte ned etter den dårlegaste sesongen i Tippeligaen nokon gong. I 2013 spelar dei i Adeccoligaen.
Telenor Arena
[endre | endre wikiteksten]- For meir om dette emnet, sjå Telenor Arena.
![](https://upload.wikimedia.org/wikipedia/commons/thumb/f/fb/Telenor_Arena_panorama.jpg/220px-Telenor_Arena_panorama.jpg)
![](https://upload.wikimedia.org/wikipedia/commons/thumb/f/f5/Nadderud_stadion-main_stand.jpg/220px-Nadderud_stadion-main_stand.jpg)
Nesten på dagen ti år etter at ideen om han vart klekt, stod Stabæks nye heimebane (Noregs første innandørs Tippeliga-arena), Telenor Arena på Fornebu, klar til sesongen 2009. Det er ein innandørs multibruksarena som kan huse over 15 000 menneske på fotballkampar og andre sportsarrangement, og inntil 23 000 menneske på konsertar. Telenor betalte 115 millionar kroner i ein større sponsorpakke der stadionnamnet inngår.[2] Den første treningskampen var mot IFK Gøteborg 24. januar 2009. Kampen enda 0-0. Det første målet laga Rosenborgs Trond Olsen i ein treningskamp 27. februar 2009. 8. mars 2009, i den første offisielle kampen, Supercupfinalen mellom Stabæk og Vålerenga, kom heimelagets første siger på eige kunstgras med 3-1. I serien starta det litt tyngre på den nye arenaen, med tre uavgjorte og eitt tap på dei fire første. Med sin første siger i serien på Telenor Arena (4-1 mot Sandefjord 16. mai 2009) innleia Stabæk ein imponerande statistikk med ti sigrar på elleve seriekampar.
Den nye arenaen vart aldri utseld i løpet av det første året – i sterk kontrast til Nadderud, som året før var utseld til tolv av tretten seriekampar. Med ein langt større tilskodarkapasitet sørgde Telenor Arena likevel for ein kraftig auke i tilskodartalet for Stabæk, frå eit rekordsnitt på ca. 5 800 i 2008 til knappe 9 500 i 2009. Og det i eit år der dei fleste konkurrentane opplevde ein nedgang i tilskodartala. I 2010 gjekk derimot tala ned att til rundt 8000, og føre 2011-sesongen var det lenge usikkert om Stabæk i det hele tatt ville spele på Telenor Arena etter krangel om leigepriser og eigarrett. Mange supporterar av klubben har uttrykt stor skepsis til arenaen, og meiner han blir for stor og kunstig, og ønsker seg eit nytt stadion eller utbygd Nadderud.[treng kjelde]
Etter 2011-sesongen vart det bestemt at Stabæk skulle vende tilbake til Nadderud stadion på Bekkestua, etter at ein ikkje fann noko løysing på Fornebu.
Trenarar
[endre | endre wikiteksten]Henning Berg har vore hovudtrenar.
Trenar | Periode | Nasjonalitet | Merknad |
---|---|---|---|
Petter Belsvik | 2012- | ![]() |
- |
Jörgen Lennartsson | 2011-2011 | ![]() |
- |
Jan Jönsson | 2005-2010 | ![]() |
- |
Pål Berg | 2004 | ![]() |
Siste fire kampar |
Gaute Larsen | 2001-2004 | ![]() |
Fekk sparken fire rundar før slutt i 2004 |
Anders Linderoth | 1998-2001 | ![]() |
trekte seg i mai 2001, etter 8-1-tap for Brann i Bergen |
Hans Backe | 1996-1997 | ![]() |
- |
Lars Tjernås | 1993-1995 | ![]() |
- |
Merittar
[endre | endre wikiteksten]- Eliteserien i fotball:
- Cupen:
- Superfinalen:
- Gull: 2009 (3-1 over Vålerenga)
Øvrige
[endre | endre wikiteksten]- Adeccoligaen:
- Vunnet: 2005
- 1. divisjon:
Europa
[endre | endre wikiteksten]Sesong | Runde | Motstandar | Heime | Borte | Samanlagt |
---|---|---|---|---|---|
2009–2010 | 2 | ![]() |
4–0 | 1–1 | 5–1 |
2009–2010 | 3 | ![]() |
0–0 | 1–3 | 1–3 |
Sesong | Runde | Motstandar | Heime | Borte | Samanlagt |
---|---|---|---|---|---|
1998–1999 | 1 (Intertoto-cup) | ![]() |
1–2 | 2–3 | 3–5 |
1999–2000 | 1 (UEFA-cup) | ![]() |
1–0 | 0–2 | 1–2 |
2002–2003 | 1 (UEFA-cup) | ![]() |
4–0 | 1–1 | 5–1 |
2002–2003 | 2 (UEFA-cup) | ![]() |
1–2 | 1-0 | 2–2 |
2004–2005 | 1 (UEFA-cup) | ![]() |
3–1 | 3–1 | 6–2 |
2004–2005 | 2 (UEFA-cup) | ![]() |
0–5 | 0–4 | 0–9 |
2008–2009 | 2 (UEFA-cup) | ![]() |
2–1 | 0–2 | 2–3 |
2009–2010 | Play-off | ![]() |
0–3 | 1–4 | 1–7 |
Statistikk
[endre | endre wikiteksten]Spelarane med flest mål gjennom tidene[3]:
- Daniel Nannskog 118 mål
- Veigar Páll Gunnarsson 100 mål
- Petter Belsvik 75 mål
- Thomas Finstad 54 mål
- Tom Fodstad 54 mål
- Største siger: 14–0 borte mot Vestfossen IF 12. mai 2008 (cupen, 1.runde)
- Største tap: 1–8 borte mot Brann 24. mai 2001, 0-7 heime mot Lillestrøm 20. mars 2011
- Raskaste mål: 23 sekunder (Veigar Páll Gunnarsson borte mot FK Haugesund 8. mai 2011)
Kjende tidlegare spelarar
[endre | endre wikiteksten]Alanzinho spelar på tyrkiske Trabzonspor
Martin Andresen - 1998-1999 og 2001-2004
Christer Basma
Petter Belsvik - 1996-2000, assistenttrenar 2007-2008
André Flem - 1990-2003 nå tilsett i NFF
Jan Åge Fjørtoft - 2001
Mike Kjølø - 2000-2008 kaptein på gullaget
Tommy Svindal Larsen spelar på Odd Grenland
Tobias Linderoth - 1999-2001
Karl Petter Løken 1997-1999
Daniel Nannskog - 2005-2010 klubbens toppscorar
Frode Olsen - 1997-1999
Somen A. Tchoyi spelar for engelske West Bromwich Albion
Ingebrigt Steen-Jensen toppscorar 1975 i 3.divisjon
Christian «Chippen» Wilhelmsson - 2000-2003
Anthony Annan
Henning Hauger
Jon Knudsen
Resultat år for år
[endre | endre wikiteksten]Sesong Nivå Plass. Kampar Siger Uavg. Tap Mål for Mål mot Poeng NM Anna 1963 IV 5 14 1964 IV 5 14 12 7 12 1965 IV 3 14 3. runde 1966 IV 1 14 opprykk 1967 III 5 14 6 2 6 31 19 14 3. runde 1968 III 1 14 10 1 3 31 16 21 2. runde opprykk 1969 II 2 14 8 1 5 25 15 17 1970 II 3 14 5 4 5 17 13 14 kvartfinale 1971 II 4 14 5 4 5 15 20 14 2. runde 1972 II 4 18 8 5 5 23 13 21 1973 II 9 18 3 3 12 16 36 9 nedrykk 1974 III 6 18 7 4 7 35 35 18 3. runde 1975 III 8 18 6 2 10 22 27 14 1976 III 9 18 4 7 7 25 25 15 nedrykk 1977 IV 2 18 9 6 3 34 19 24 1. kv. runde 1978 IV 3 18 10 4 4 38 21 24 1. kv. runde 1979 IV 1 18 11 7 0 37 13 29 2. kv. runde Opprykk 1980 III 5 22 9 6 7 29 28 24 2. kv. runde 1981 III 7 22 9 4 9 36 39 22 2. runde 1982 III 11 22 6 4 12 16 45 16 2. kv. runde nedrykk 1983 IV 5 22 8 6 8 41 37 22 1. kv. runde 1984 IV 12 22 1 3 18 29 83 5 2. kv. runde nedrykk 1985 V 2 18 11 3 4 52 25 25 deltok ikke opprykk 1986 IV 11 22 5 7 10 22 42 17 1. kv. runde nedrykk 1987 V 1 18 14 1 3 53 11 29 deltok ikke opprykk 1988 IV 4 22 10 5 7 34 20 35 1. kv. runde 1989 IV 2 22 13 6 3 45 19 45 1. kv. runde 1990 IV 1 22 13 4 5 48 23 43 1. kv. runde opprykk 1991 III 2 22 12 5 5 39 19 41 1. runde 1992 III 3 22 12 7 3 60 23 43 2. runde 1993 III 1 22 16 2 4 51 26 50 2. runde opprykk 1994 II 2 22 13 3 6 43 32 42 3. runde opprykk 1995 I 9 26 9 6 11 36 40 33 4. runde 1996 I 6 26 9 9 8 47 45 36 kvartfinale 1997 I 5 26 13 4 9 33 35 43 kvartfinale Intertoto Cup 1998 I 3 26 16 5 5 63 29 53 Norgesmester UEFA Cup 1999 I 5 26 14 4 8 58 49 46 4. runde 2000 I 5 26 12 6 8 59 33 42 3. runde 2001 I 4 26 14 3 9 45 39 45 4. runde UEFA Cup 2002 I 5 26 12 6 8 48 34 42 semifinale 2003 I 3 26 11 9 6 51 35 42 4. runde UEFA Cup 2004 I 13 26 7 6 13 25 40 27 semifinale nedrykk 2005 II 1 30 20 7 3 63 23 67 kvartfinale opprykk 2006 I 5 26 10 9 7 53 36 39 3. runde 2007 I 2 26 14 6 6 53 38 48 semifinale UEFA Cup 2008 I 1 26 16 6 4 58 24 54 finale Champions League 2009 I 3 30 15 8 7 52 34 53 kvartfinale UEFA Europa League 2010 I 12 30 11 6 13 46 47 39 3. runde 2011 I 10 30 11 6 13 44 50 39 3. runde 2012 I 16 30 5 2 23 25 69 17 3. runde Nedrykk
Kjelder
[endre | endre wikiteksten]- ↑ 1,0 1,1 1,2 1,3 1,4 Herrer spillere. Vitja 10. juni 2020
- ↑ Betaler 115 millioner for Telenor Arena, arkivert frå originalen 27. juni 2008, henta 29. mai 2013
- ↑ Stabæk Fotball - Statistikk/Historikk Menn, arkivert frå originalen 14. desember 2009, henta 29. mai 2013
- Denne artikkelen bygger på «Stabæk Fotball» frå Wikipedia på bokmål, den 29. mai 2013.
- Wikipedia på bokmål oppgav desse kjeldene:
- Ingebrigt Steen Jensen om Stabæk i åra 1990-1998