Javanés

Lo javanés (escritura javanesa : ꦧꦱꦗꦮ, Pegon : باسا جاوا‎) es una lenga malaiopolinesiana parlada pel pòble javanés del centre e de l'èst de l'illa de Java, en Indonesia. Existisson tanben de parlaires de javanés sus la còsta nòrd de l'oèst de Java. Es la lenga mairala de mai de 98 milions de personas.

Lo javanés es la pus importanta de las lengas austronesianas en nombre de locutors natius. I a mai d'un dialèctes regionals clarament desparièrs. Las lengas vesinas pus pròchas son lo sondanés, lo madurés e lo balinés. La màger part dels locutors de javanés parlan tanben l'indonesian pels afars oficials e lo comèrci e per comunicar amb los indonesians non javaneses.

I a de locutors de javanés en Malàisia (concentrats dins la part de la còsta oèst dels Estats de Selangor e Johor) e a Singapor. Lo javanés es tanben parlat per las comunautats d'imigrants tradicionals d'origina javanesa en Surinam, Sri Lanka e Nòva Zelanda.

Amb l'indonesian, lo javanés es lenga oficiala dins la region especiala de Yogyakarta, en Indonesia.