Kailash (tanben Kailasa; Kangrinboqê o Gang Rinpoche; tibetan: གངས་རིན་པོ་ཆེ; chinés simplificat: 冈仁波齐峰; chinés tradicional: 岡仁波齊峰; sanscrit: कैलास, IAST: Kailāsa), es una montanha que culmina a 6 638 mètres d'altitud[1] e que fa partit de la cadena de Gangdise o Transimalaia. Es situada dins la prefectura de Ngari, dins la region autonòma de Tibet, pròche del lac Manasarovar e del lac Rakshastal. Quatre dels pus grands flumes d'Asia, Indus, Sutlej, Bramapotra e Karnali an sa font pròche del mont Kailash.
Aquesta montanha es sacrada dins quatre religions : pels indos, es la demòra de Shiva ; pels bodistes, la de Chenresig, lo boda de la compassion que lo Dalai lama es la reincarnacion ; e pel fondator del jaïnisme, es a son suquet que recebèt l’illuminacion ; lo culte bön, prebodisme chamanic, la considèra coma lo simbòl de l’arma[2]. Correspondriá benlèu al mitic mont Mero considerat coma l'ais del monde dins las mithologiaspersana, bodica, jaïna[3] e mai que mai indo[4]. Lo torn del 51 km[2] mont Kailash (kora) es un dels pelerinatges pus importants d'Asia.