Catieu Versailles
![](https://upload.wikimedia.org/wikipedia/commons/thumb/0/04/Vue_a%C3%A9rienne_du_domaine_de_Versailles_par_ToucanWings_-_Creative_Commons_By_Sa_3.0_-_083.jpg/300px-Vue_a%C3%A9rienne_du_domaine_de_Versailles_par_ToucanWings_-_Creative_Commons_By_Sa_3.0_-_083.jpg)
![](https://upload.wikimedia.org/wikipedia/commons/thumb/d/d7/Logo_monument_historique_-_rouge_ombr%C3%A9%2C_encadr%C3%A9.svg/80px-Logo_monument_historique_-_rouge_ombr%C3%A9%2C_encadr%C3%A9.svg.png)
Ech catieu Versailles ch'est un catieu pi un monumint istorike franchoés qui s'truve à Versailles (Yvelines), in Franche. Il o tè l'résidinche à ches Roés d'Franche (Louis XIV, Louis XV pi Louis XVI). Il o tè ch'siège d'ech puvoér roéyal d'ech Roéyaume ed Franche, ch'Roé pi l'cort is y ont résidè d'foachon permaninte d'ech 6 ed moai 1682 à ch'6 d' octobe 1789, seuf durant ches ainnèes d'el Réginche d'1715 à 1723. Ech catieu i s'truve à ch'sud-west ed Paris pi i dvoét glorifier l'monnarchie franchoése. Fort imposant avuc ses diminsions, Versailles o tè ch’pus grand catieu d’ech monne durant longtans et pi il est devnu un simbole d’el « Grandeur » franchoése tout conme d’el monnarchie absolute.
Ech catieu il est constituè d'plangne d'élémints avuc unne armonnie arkitecturale, i s'épard edseur 63 154 m2, répartis in 2 300 pièces, avuc, actuèlmint, 1 000 pièces d'musèe.
![](https://upload.wikimedia.org/wikipedia/commons/thumb/7/7f/Panoramique_Ch%C3%A2teau_de_Versailles_depuis_le_parc.jpg/800px-Panoramique_Ch%C3%A2teau_de_Versailles_depuis_le_parc.jpg)