سائلو
![](https://upload.wikimedia.org/wikipedia/commons/thumb/7/7e/Grain_bin.jpg/300px-Grain_bin.jpg)
سائلو (یونانی σιρός - siros توں، "اناج نوں رکھݨ لئی گڑھا") وڈے حجم آݪے تھوک مواد نوں ذخیرا کرن دا اک ٹعھانچا اے۔ سائلوز دا استعمال زراعت وچ خمیر شدہ فیڈ نوں ذخیرا کرن لئی کيتا جاندا اے جیہنوں سائیلیج کہیا جاندا اے۔ سائلو عام طور تے اناج، کوئلا، سیمنٹ، کاربن بلیک، لکڑی دے برادے، کھاݨے دی مصنوعات تے چورے دے بلک سٹوریج (bulk storage) لئی استعمال ہُندے نيں۔ تن قِسم دے سائلوز ہُݨ تک وڈے پیمانے اُتے استعمال وچ نيں: ٹاور سائلوز، بنکر سائلوز تے بیگ سائلوز۔
تریخ
[سودھو]جنوبی لیونٹ وچ تل تساف Tel Tsaf دی 5ويں ہزار سال ق م دی جگہ قدیم ترین سائلو اُتے مشتمل اے۔ آثار قدیمہ دے کھنڈرات تے قدیم تحریراں توں پتا چلدا اے کہ قدیم یونان وچ 8ويں صدی ق م دے اواخر تک سائلو استعمال کيتا جاندا سی۔ سائلو دی اصطلاح یونانی σιρός (siros) توں ماخوذ اے، جیہدا مطلب اے: "اناج رکھݨ دا گڑھا"۔[۱][۲][۳]
سائلو پٹ، جداں کہ ایہنوں کہیا جاندا اے، ایشیا وچ قدیم زمانے توں اناج نوں ذخیرہ کرن دا پسندیدہ طریقا رہیا اے۔ ترکی تے فارس وچ انشورنس ایجنٹاں نے نسبتن سستی کݨک یا جؤ دے ذخیرے خریدے تے ایہنوں قلت دے موسم وچ پوشیدہ گڑھیاں وچ ذخیرا کيتا۔ مالٹا وچ کݨک دا نسبتن وڈا ذخیرا چٹان وچ کٹے ہوئے سینکڑیاں گڑھیاں (سائلوز) وچ محفوظ سی۔ اک واحد سائلو 60 توں 80 ٹن کݨک دا ذخیرہ کردا اے، جو مناسب احتیاط دے ناݪ چار سال یا اس توں ودھ عرصے تک چنگی حالت وچ رہندا اے۔
پہلا جدید سائلو، اک لکڑی دا تے سِدھا جو اناج ناݪ پعھریا ہويا سی، 1873 وچ اسپرنگ گروو، الینوئے وچ مکہنری کاؤنٹی، امریکا دے فریڈ ہیچ نے ایجاد کيتا تے بݨایا سی۔
سائلوز دیاں قِسماں
[سودھو]- ٹاور سائلو
- بنکر سائلو
- بیگ سائلو
سائلو آرٹ
[سودھو]"سائلو آرٹ" اک حالیہ تے واضح طور تے آسٹریلیائی آرٹ دی تحریک اے جو 2015 وچ نارتھم، مغربی آسٹریلیا وچ شروع ہوئی سی۔ سائلو نوں عام طور تے بہت سارے تھیمز دے ناݪ نقشی و نگاری کندھ ورگی (mural-type) وڈی پینٹنگز توں سجایا جاندا اے۔ آسٹریلیئن سائلو آرٹ ٹریل 2020 تک سائلو آرٹ دیاں 35 مثالاں دکھاؤندا اے، جیہناں دی تعداد ودھ رہی اے۔[۴] 2021 تک "سائلو آرٹ ٹریل" دی اِصطلاح دے استعمال اُتے قانونی جنگ جاری اے، وکٹوریا وچ یاریامبیاک شائر کونسل نے 2017 وچ ایہنوں ٹریڈ مارک کرن دی کوشش کيتی، آسٹریلیا دے سبھ توں وڈے اناج ہینڈلر GrainCorp نے اس اقدام دی مخالفت کردے ہوئے کہیا کہ ایہ اصطلاح بہت ساریاں کونسلاں لئی قابل استعمال ہوݨی چاہیدی اے۔[۵]
کئی علاقائی مراکز وچ پراݨے پاݨی دے میناراں نوں وی سجایا گیا اے۔[۶][۷]
میلبورن وچ نیوزی لینڈ دی وزیر اعظم جیسنڈا آرڈرن دی اک مسلم عورت نوں گݪ لاؤندے ہوئے اک بہت وڈی پینٹنگ، (جو کہ 2019 دے کرائسٹ چرچ مسیت حملےآں توں بعد دنیا بھر وچ پھیلی ہوئی اک مشہور تصویر اے) مضافاتی علاقے وچ 75 فٹ (23 میٹر) ٹننگ سٹریٹ سائلو اُتے پینٹ کيتی گئی سی۔ Brunswick، کراؤڈ فنڈنگ دے ذریعے اک دن وچ A$11,000 جمع کرن توں بعد۔
کوئنز لینڈ دے نارتھ برنیٹ ریجن وچ مونٹو دے قصبے نوں آسٹریلیا وچ سبھ توں ودھ شمالی سائلو آرٹ دی تنصیب دے طور تے سیاحت دے نقشے اُتے رکھیا گیا اے۔ ایہدے "تھری مون" سائلوز ماضی دیاں کئی کہاݨیاں دی عکاسی کردے نيں، جیہناں وچ سونے دی کان کنی، مویشی جمع کرن تے دی ڈریمنگ دا دور شامل اے۔ ایہدے وچ اک پاݨی آݪے اک پرانے مینار اُتے نقشی و نگاری کندھ (mural) وی لگی ہوئی اے۔
مورتاں
[سودھو]
حوالے
[سودھو]- ↑ Dwayne R. Buxton, Silage science and technology, American Society of Agronomy, Inc., 2003, p.1
- ↑ William Shurtleff, Akiko Aoyagi, History of Soybeans and Soyfoods in Canada (1831–2010), Soyinfo Center, 2010, p.36
- ↑ σιρός, Henry George Liddell, Robert Scott, A Greek-English Lexicon, on Perseus
- ↑ Lua error in ماڈیول:Citation/CS1/ar at line 3438: attempt to call field 'set_selected_modules' (a nil value).
- ↑ Fuller, Kelly (8 February 2021). "'Silo art trail' trademark battle over who owns the right to use phrase". Australian Broadcasting Corporation. https://www.abc.net.au/news/2021-02-09/who-should-own-the-phrase-silo-art-trail/13130398.
- ↑ Lua error in ماڈیول:Citation/CS1/ar at line 3438: attempt to call field 'set_selected_modules' (a nil value).
- ↑ Lua error in ماڈیول:Citation/CS1/ar at line 3438: attempt to call field 'set_selected_modules' (a nil value).