فرانز کافکا
| فرانز کافکا | |
| |
| جمیا: | 3 جولائی 1883 پراگ، چیک لوکراج |
| مریا : | 3 جون 1924 کلوسٹرنیوبرگ ، آسٹریا |
| گن: | ناول نگار، نکی کعانیاں دا لکھاری |
| دستخط: | 
|
فرانز کافکا ( 3 جولائی 1883-3 جون 1924) اک جرمن یہودی لکھاری سی جیہڑا چیک لوکراج دے شہر پراگ چ جمیا۔ اودیاں لکھتاں نوں 20 صدی دی ودیا ساہت کیا گیا اے۔ او نویں سوچ دا منن آلا سی۔ اونے بہت ساری ونڈاں نوں متاثر کیتا جیدے چ وجودیت وی شامل اے۔
اوہدے مشہور کماں وچ "دا میٹامورفوسس"، "دا ٹرائل" تے "دا کاسل" ہیگیاں نیں۔ اے کعانیاں اجنبیت/بیگانگی، جسمانی تے ذہنی بے رحمی، ڈراؤنی کھوجاں دے کرداراں تے صوفیانہ بدلاؤ دی علامتاں تے مرکزی خیالاں توں پُر نیں۔
کافکا پراگ چ جرمن بولن آلے، یہودی، مڈھلی پدھر والے اک ٹبر وج جمیا۔ ،اوتھے وکیل بنن دی مشق کیتی۔ قنونی تلیم حاصل کرن توں بعد اک انشورنس کمپنی چ ملازمت کیتی۔ اپنے فارغ ویلے چ او نکی کعانیاں لکھدا سی، اونوں بعد چ بڑا دکھ ہویا جے اونےبہت کم ویلا لکھن نو دتا تے جیدی وجہ توں ای او مشہور ہویا۔ اونوں افسوس ہویا جے اوس نے اپنا زیادہ ویلا صرف روٹی کمان آلی ملازمت چ ای لا دتا۔ کافکا نوں اوہدے خطاں باجوں یاد کیتا جاندا اے۔ اوہنے اپنے خاندان تے دوستاں نو سینکڑوں خط لکھے، جناں وچ مشہور خط او نے اپنے پیو نو، منگیتر نو تے اپنی نکی پیعن نو لکھے۔ اوہدے اپنے پیو نال تعلقات خراب سن، جیدا اوس تے خطاں تے کافی اثر پیا۔ اوہنوں اپنے یہودی ہون بارے وی اختلاف سی، ایہدا وی اثر اوس دے کماں تے پیا۔
کافکا دے زندہ ہوندیاں اوہدے صرف کج ای کم چھپ سکے، جناں وچ "کانٹیمپلیشن"، "آ کنٹری ڈاکٹر" مشہور نے۔ اوہنے کعانیاں دا مجموعہ "آ ہنگر آرٹسٹ" چھپن لئی تیار کیتا پر او اوہدی موت توں بعد ای چھپیا۔ البرٹ کامیو تے ژاں پال سارتر جئے لکھاری اوہدے کم توں متاثر ہوئے. کافکا دے ناولاں جئیے حالات نوں بیان کرن لئی انگریزی زبان چ کافکیسک اصطلاح ورتی جاندی اے۔
جیون
[سودھو]جم پل
[سودھو]کافکا ایسٹروہنگرین راج (1867-1918) چ اولڈ ٹاؤن سکوئیر۔ پراگ وچ جمیا۔ اوہدے خاندان دا تعلق اک درمیانے یہودی طبقے نال سی۔ اوہدے پیو دا نا ہرمن کافکا (1852-1931) تے دادے دا نا جیکب کافکا سی۔ جیکب نے کافکا خاندان نو پراگ لایا۔ کافکا دی ماں دا نا جولی (1856-1934) سی، او کافکا دے پیو توں زیادہ پڑھی لکھی سی۔ ہرمن تے جولی دے 6 بچے سن، کافکا سب توں وڈا سی۔ کافکا دی تن پیعنا سن گیبریلی، ویلری تے اوٹیلی۔
کافکا دا بچپن زیادہ تر کلا گزریا۔ اوہدے اپنے پیو نال تعلقات ٹھیک نئی سن۔ ایس بارے چ اوہدا اپنے پیو نو 100 ورقیاں دا لکھیا خط بہت مشہور اے۔
پڑھائی
[سودھو]کافکا نے 1889 توں 1893 تک مسنا سٹریٹ چ جرمن بوائز ایلیمنٹری سکول وچ تلیم حاصل کیتی۔
ایلیمنٹری سکول دے بعد کافکا نے اگلے اٹھ سال اولڈ ٹاؤن سکوائر چ جیمنیسیئم چ اچھے نمبراں نال تلیم حاصل کیتی۔ 1901 چ کافکا نے ہائی سکول امتحان میچورا مکمل کیتا۔
1901 چ کافکا نے پراگ چ کارل فرڈینینس یونیورسٹی چ کیمسٹری چ داخلہ لیئا۔ پہلے 2 ہفتے کیمسٹری پڑھی، اوہدے بعد کافکا نے قنون چ داخلہ لے لیا۔ نالے جرمن تے آرٹ دی تریخ دے وی کورس پڑھے۔
کم کاج
[سودھو]1907 وچ کافکا نے اک اٹلی دی انشورنس کمپنی اسیکیورازیونی جینیریلائی چ ملازمت کیتی۔ ایتھے صبح 8 توں شامی 6 بجع تک کم کرنا پیندا سی ، تے کافکا نو لکھن لئی وقت نئی لبدا سی۔ اک سال ایتھے کم کرن تون بعد کافکا نے استعفٰی دے دتا۔
1908 وچ کافکا نے ورکرز ایکسیڈنٹ انشورنس انسٹیٹیوٹ چ کم شروع کیتا۔ ایتھے 2 بجے دوپہر تک کم کرنا پیندا سی تے اوہنوں لکھن دا وقت ملدا سی۔
1917 چ اوہنوں ٹیوبر کلوسس ہو گئی، جیدی وجہ توں 1918 چ کمپنی نے اوہنو پنشن تے چھٹی دے دتی، اوہدا باقی جیون سینیٹوریئم چ گزریا۔
سیاسی سوچ
[سودھو]کافکا فوج تے ملائیت دے خلاف سی۔ او سوشلزم دا منن آلا سی۔
کم
[سودھو]کافکا دا سارا کم جرمن زبان چ اے سوائے چند خطاں دے جو چیک زبان چ لکھے گئے۔ کافکا دے زندہ ہوندیاں اوہدے صرف کج ای کم چھپ سکے۔ اوہنے اپنے ناول مکمل نئی کیتے تے اپنے 90 فیصد کم نو اگ لا دتی۔
کعانیاں
کافکا نکی کعانیاں دا ودیا لکھاری سی۔ 1908 چ اوہدیاں پہلیاں اٹھ کعانیاں چھپیاں۔
ناول
کافکا نے 1912 چ ناول لکھن دا آغاز کیتا۔ پہلا ناول "دا مین ہو ڈس اپیرڈ" لکھیا، جو اوہدے مرن توں بعد چھپیا۔
ترجمے
کافکا دے کم نو پہلی واری 1930 چ انگریزی چ ایڈون تے ولا میور نے ترجمہ کیتا۔ 1940 دی دہائی چ کافکا امریکہ چ کافی مشہور ہو گیا۔
میراث
[سودھو]کافکا دے ناولاں جئیے حالات نوں بیان کرن لئی انگریزی زبان چ کافکیسک اصطلاح ورتی جاندی اے۔
| مورت نگری | ||||
|---|---|---|---|---|
|
| |||
| میٹامورفوسس دی پہلی چھپائی | دا ٹرائل دی پہلی چھپائی | کافکا دی قبر | ||