Suloni
Aspettu
![](https://upload.wikimedia.org/wikipedia/commons/thumb/4/4c/Solon.jpg/200px-Solon.jpg)
Suloni ('n grecu anticu Σόλων , Sólon; Ateni, 638 a.C. – 558 a.C.) fu nu liggislaturi, nu jurista e nu pueta grecu.
Atinisi di famigghia nòbbili, doppu ca nti la carusanza avìa pinzatu a lu cummerciu, s'addidicau ppi tutta la sò vita di pulìtica. Fu cunzidiratu di l'antichi unu di li Setti Saggi. La sò puisìa è spissu china di lu sò mpegnu pulìticu.
Lu sò travagghiu ad Ateni, comu liggislaturi o "àrbitru di la custituzzioni", comu lu difinisci Aristòtili, è articulatu nti tri punti principali:
- livari la sirvituti ppi dèbbiti;
- la rifurma timucràtica;
- la rifurma di lu sistema àtticu di li pisi e di li misuri;
Quannu lu tirannu Pisìstratu trasìu nti la pulìtica Suloni si ni jìu 'n esiliu vuluntariu.