badic

badic nu Sakizaya a kamu, u liu-shu (柳やなぎ樹いつき) nu hulam a kamu. [1]

kakiliman

kina badic katukuh ayda sa u badic ku badic, hananay makaala tu sepatay a lasubuay ku badic hinaadihan i saamisan nu pankiw nu kitakitay (北半球きたはんきゅう), kasinawan (寒帶かんたい) atu dihkuway (溫帶おんたい), u badic nu langaw kapah palumaen anu nipaluma' atu langaw, sananay anu i cuwacuwa yadah ku langaw. Salix × sepulcralis sa namakay Ou-Cuo (歐おう洲しゅう) nu salengacay a badic (Salix alba) atu makaniya i Cung-Kuo (中國ちゅうごく) ku tatangahan nu langaw. [2]

nilaculba

laylay

sumamad sa ku Cung-Kuo (中國ちゅうごく) a tademaw ya badic, mala nu hitayay satusa atu mala nu milimekay (隱士いんし) a kilang i lima, satusa u badic taniktik ku langaw. kalamkam satabaki u salangatan nu hitay misalangad i muliwliw, sisa mala nu mala nu sakayakaay nu hitay kina badic hananay nu kakitidaan han, tu nu ada sa , i Cung-Kuo (中國ちゅうごく) anu i cuwacuwa idaw amin, sisa u badic han ku ngangan nida.

misasengiay tu hitay

namakayni i Cidan misadabek sa, idaw ku lisin tu miacingay a sapiacing nu lisin, nu kahulaman mahiniay a mipulu' tu Mung-Ku (蒙こうむ古いにしえ) a tademaw micumud sa misanga tu adidi'ay a langat sacabengan, sisa u badic nu langaw han.

masasudimuday a nikasasengi

u sakanamuh han nu kasumamadanay kina badic nu milimekay, i naayaway u “pituway a matesekay i nikakutaykutay nu Si-Cin (西にし晉すすむ竹林ちくりん七なな賢けん) tu cacayay a tademaw Ci Kung (嵇康) hananay u milimekay u cayay kalalucekay, anu lalu tusa manamuh i putah nu badic nu liwliw, u nisulitan a nicudadan tu nalimaan pananum, nadikudan sa muluung i sasa nu badic misadiuc, tu nu sakayakay kanca tayda mididaw cinidaan, cinida hatu sa caay paelilih tu nika tayni sakunida san misanga' tu nikahida nida sa palahecien ni Cung Huy (鍾會) cinida. kina badic katuud ku manamuhay ya matinengay misasulitay masasutungusay, mahiniay i nikakutaykutay nu Dung-Cin (東あずま晉すすむ), misulitay ci Tao Cian (陶とう潛せん) namisulit tu “kungku nina Limaay a Badic” (五ご柳やなぎ先生せんせい傳でん) mitudung tu balucu’ nida. ci Li Pai (李白りはく) i nikakutaykutay nu Tan (唐とう代だい) aci Lu Yuo (陸りく游ゆう) i nikakutaykutay nu Sun (宋そう代だい) i Cung-Kuo (中國ちゅうごく) nu badic amin ku sulitay a sulit.

nu tineng a sulitan

ya badic atu liwan, tenes misengi ku ngiha sa sisa kasumamadanay a tademaw hinasakamu tu nikatenes muliyasay. anu “ida tu labi mapacekil tu maepahan a tacuwa saw? badic nu sadal, mahida tu u matastasay a bulad ate mawaswasen nu bali” (柳やなぎ永ひさし《雨あめ霖鈴·寒かん蟬淒切きり》：「多情たじょう自じ古傷ふるきず離別りべつ，更さら那な堪こらえ冷ひや落清秋あき節ぶし！今宵こよい酒さけ醒何處どこ？楊柳ようりゅう岸がん，曉あかつき風ふう殘月ざんげつ」) i nakamuwan nu badic sakasenenganay atu kadicuwan a nidateng.

sumamadan a tademaw sa anu malaliyas tu ku malcabayay, kanca u badic ku kaliyasan, nida papah nu badic satanayu san mahida u malcabayay ku nikatanayu.

anu paluma' tu badic i luma' nu dikudan i nu ayawan sa, mahida nu niyadan a nisanga. kina badic sananay malabawbaw tu cay salimen sisa palasadadatengan han uyni.

ya kilang nu badic u lalangawan nu Sakidaya (撒奇萊雅文化ぶんか中ちゅう的てき柳やなぎ樹じゅ)

micidekay a badic

u badic a kilangan sa i naayaway i kasumamadan kanca sinipaluma' tu badican a kilanga i talin nu umah yuni a badic idaw kya cacay a kungku, sakamu sa yu mahida yadah henay ku mapalaway anu mikawaw tu ku heni sa taumah mingeli' tu ciid nu badic a sapikawaw tu a malingatu mapalaw u sapibuhbuh tu lacusay, mibuhbuh tu i melangay atu canancanan a kawawan nu mapalawaw u sadikec nu heni ku badic katukuh yida idaw aca ku kamu sakay badic nu tademaw tu badican a kilang, u caay kaw kilang sa a cacay. sakay nu didituan kina kilang sa ku naayaway a tademaw katukuh yida idaw henay ku mahiniy a sasakamuwan tu nu badic a kilangan.

namakayniay a nasulitan nasakamuan atu natinengan

nasulitan ni Hana Ateng i 2020 mihcaan
wikipayke-柳やなぎ樹いつき