பிசினஸில் ஒருவர் வெற்றிகரமாக மாறுவதற்கு என்ன தேவையாக இருக்கும் என்று நீங்கள் நினைக்கிறீர்கள்? சரியான முதலீட்டுடன், தனித்துவமான ஒரு யோசனை ஆகிய இரண்டும் தான். சரிதானா ? சொந்த தொழில் துவங்க வேண்டும் என்ற ஆசையில் ஏராளமானோர் ஸ்டார்ட் அப் நிறுவனங்களை ஆரம்பித்து கொண்டு இருக்கும் காலகட்டத்தில் தற்போது நாம் வாழ்ந்து வருகிறோம். பில்லியன் கணக்கான பணம் தேவைப்படுகிற பிசினஸ் ஐடியா இருந்தாலும் அதற்கு தகுந்த முதலீடு இல்லாத காரணத்தால் அந்த தொழிலை துவங்க முடியாத பலர் இருக்கலாம். இது போன்ற சூழ்நிலையில் குறைந்தப்பட்சமாக 10,000 ரூபாய் வைத்துக் கொண்டு என்ன மாதிரியான தொழில் துவங்கலாம் என்பது பற்றி இந்த பதிவில் பார்ப்போம்.
<strong>ஊறுகாய் பிசினஸ் : </strong>10,000 ரூபாய் முதலீட்டில் ஒரு தொழில் துவங்க வேண்டும் என்று நினைப்பவர்களுக்கு இந்த ஊறுகாய் பிசினஸ் நல்ல யோசனையாக இருக்கும். இந்தியாவில் உணவுடன் பல்வேறு விதமான ஊறுகாய் மற்றும் துவையல் வகைகள் பரிமாறப்படுவது வழக்கம். பல்வேறு விதமான ஊறுகாய் தயாரிப்பது சாதாரணமான காரியம் அல்ல. இதன் காரணமாகவே நம்மில் பலர் வீட்டில் ஊறுகாய் தயாரிப்பதை காட்டிலும் கடைகளில் வாங்கி சாப்பிட நினைக்கிறோம். ஊறுகாய் செய்வதற்கு ஃபிரஷான பொருட்களை பயன்படுத்துவது, சரியான ரெசிபி மற்றும் அது கெட்டுப் போகாத வகையில் சிறப்பாக பேக்கேஜிங் செய்வது போன்ற விஷயங்கள் இருந்தாலே நீங்கள் ஊறுகாய் பிசினஸை தாராளமாக ஆரம்பிக்கலாம்.
<strong>பிளாகிங் : </strong>பிளாகிங் செய்வதற்கு பெரிய அளவில் முதலீடு தேவையில்லை. பெரிய பெரிய பிராண்டுகள் மற்றும் நிறுவனங்கள் கூட தற்போது பிளாகர்களை வேலைக்கு அமர்த்தி வருகின்றனர். ரசிக்க கூடிய வகையில் வீடியோக்கள் மற்றும் போஸ்ட்களை உருவாக்குவதே பிளாகர்களின் வேலை. பெரிய அளவிலான பார்வையாளர்களை சந்திப்பதற்கு இது ஒரு அருமையான வாய்ப்பு.
<strong>யோகா கிளாஸ் : </strong>தற்போது யோகாசனம் செய்வதற்கான முக்கியத்துவம் பெரிய அளவில் அதிகரித்து வருகிறது. ஆனால் யோகாசனத்தை சரியான முறையில் செய்வதற்கு முறையான ஆசானை பெறுவது அவசியமாக கருதப்படுகிறது. முறையாக யோகா பயின்றவர்கள் வீட்டிலிருந்தோ அல்லது கம்யூனிட்டி சென்டரிலோ 10,000 ரூபாய் குறைவான முதலீட்டில் யோகா பயிற்சி வகுப்புகளை நடத்துவதன் மூலமாக எளிதாக பணம் சம்பாதிக்கலாம்.
<strong>டிபன் சர்வீஸ் : </strong>10,000 ரூபாய்க்கும் குறைவான முதலீட்டில் பிசினஸ் தொடங்க வேண்டும் என்று ஆசைப்படுபவர்களுக்கு இந்த டிபன் சர்வீஸ் ஒரு பெஸ்ட் ஆப்ஷன், குறிப்பாக பெண்களுக்கு இரு ஒரு அற்புதமான வாய்ப்பு. தற்போது பெரும்பாலான வீடுகளில் கணவன் மனைவியாகிய இருவரும் வேலைக்கு செல்வதால் அவர்களுக்கு வீட்டில் சமைத்து சாப்பிடுவதற்கான நேரம் குறைவாகவே இருக்கிறது. இதுபோன்ற குடும்பங்களில் நேர குறைபாட்டின் காரணமாக டிபன் சர்வீஸை தேர்வு செய்கின்றனர். ஆரோக்கியமான உணவுக்கு எவ்வளவு பணம் வேண்டுமானாலும் கொடுக்கலாம் என்ற மனநிலைக்கு தற்போது மக்கள் வந்து விட்டனர். எனவே, உங்களது கிட்சனில் இருந்து கொண்டே நீங்கள் தாராளமாக இந்த பிசினஸை ஆரம்பிக்கலாம்.
<strong>ஆன்லைன் ஃபிட்னஸ் இன்ஸ்டிரக்டர் : </strong>வேலை மற்றும் தனிப்பட்ட வாழ்க்கையாகிய இரண்டிற்கும் இடையில் ஒரு சமநிலையை உருவாக்குவதற்கு நம்மில் பெரும்பாலானோர் போராடி வருகிறோம். உடலை ஃபிட்டாகவும் கட்டுக்கோப்பாகவும் வைப்பதற்கான அவசியத்தை நாம் உணர்ந்துள்ளோம். வீட்டில் இருந்தபடியே உடற்பயிற்சி செய்ய பலருக்கு தற்போது ஆர்வம் ஏற்பட்டுள்ளது. இது போன்ற நபர்களின் தேவையைப் பூர்த்தி செய்யும் விதமாக நீங்கள் ஆன்லைன் ஃபிட்னஸ் இன்ஸ்டிரக்டர் ஆக பணிபுரியலாம். இதற்கு உங்களிடம் உடற்பயிற்சி பற்றிய போதுமான அளவு அறிவும், திறன்களும் இருப்பது அவசியம்.